عباس عراقچی دمشق‌ده بشار اسد ایله گؤروشوب
دونن ایسرائیلین هوجوملاری آلتیندا بیروت-ا سفر ائدن ایران‌ین خاریجی ایشلر ناظیری، بوگون اونو موشایعت ائدن هیئت ایله سوریه‌نین باشکندی دمشق-ه گئدیب
ایران‌ین خاریجی ایشلر ناظیری عباس عراقچی دمشق‌ده سوریه پرئزیدئنتی بشار اسد ایله گؤروشوب.
ایران دؤلت تئلئویزیونونون وئردیگی خبره گؤره، دونن ایسرائیلین هوجوملاری آلتیندا بیروت-ا سفر ائدن عراقچی، بوگون اونو موشایعت ائدن هیئت ایله سوریه‌نین باشکندی دمشق-ه گئدیب.
دمشق‌ده سوریه‌لی همکاری بسسام صباح و باش ناظیر محمد قاضی الجلالی ایله گؤروشن عراقچی، اسد طرفیندن‌ده قبول ائدیلیب.
گؤروشلرده ایکی اؤلکه مسئوللاری دئییشیگ بؤلگه‌سل و اولوسلار آراسی مسئله‌لر اطرافیندا فیکیر موبادیله‌سی آپاریبلار.
عراقچی‌نین اسد ایله گؤروشونده ایکی اؤلکه آراسیندا قارشیلیقلی علاقه‌لر و بؤلگه‌دکی مؤوجود وضعیت موذاکیره ائدیلیب.
سوریه رئژیمینین خبر آژانسی سانا-نین بیلگیلرینه گؤره، گؤروش زامانی ایسرائیلین لبنان-ا تجاووزونون دایاندیریلماسی و لبنان-ا سیاسی دسته‌ک و خالقا یاردیمین یوللاری موذاکیره ائدیلیب.
ایران‌ین خاریجی ایشلر ناظیری عراقچی دونن ایسرائیلین هوجوملارینا معروض قالان بیروت‌دا لبنان‌ین باش ناظیری نجیب میقاتی و لبنان مجلیسینین باشقانی نبیح بری ایله گؤروشوب.
ایلگیلی‌لی خبرلر
دمشق‌ین سیده زینب بؤلگه‌سیندکی آنباردا، آرالاریندا اوشاقلارین دا اولدوغو ۲۰-دن چوخ جسد تاپیلدی
سیده زینب بؤلگه‌سی، اسد رئژیمی داغیلمادان اول ایران میلیسلرینین قرارگاه‌ی ایدی
