آمریکا و انگیلیستان اوچاقلاری، یمن‌ین صنعا، ذمار، حدیده و البیضا شهرلرینه سالدیردی
یمن‌ده‌کی حوثیلر، آمریکا و بؤیوک بریتانیانین صنعا، ذمار، حدیده و البیضا شهرلرینه ۱۵ هاوا ضربه‌سی ائندیردیگینی بیلدیریب
یمن‌ده‌کی حوثیلر، آمریکا و بؤیوک بریتانیانین صنعا، ذمار، حدیده و البیضا شهرلرینه ۱۵ هاوا ضربه‌سی ائندیردیگینی بیلدیریب.
حوثیلره باغلی المسیره تئلئویزیونون خبرینه گؤره، آمریکا انگیلیستان ائتلاف اوچاقلاری باشکند صنعانین الثوره شهرستانیندا تئکنیک خیدمت ساحه‌سینه ۴ هوجوم حیاتا گئچیریب.
ساواش اوچاقلاری حدیده بین‌الخلق هاوا لیمانی و حدیده‌نین الکسیب بؤلگه‌سینه ۷ هاوا ضربه‌سی ائندیریب.
آمریکا و بریتانیا اوچاقلاری ذمار شهرینین گونئیینه بیر، البیضا شهرینین دوغوسونداکی مکیراس شهرستانینا ایسه اوچ هاوا هوجومو حیاتا گئچیریب.
ایران‌ین دسته‌کلدیگی یمن‌دکی حوثیلر ۳۱ اکتبر ۲۰۲۳-جو ایل تاریخین‌دن اعتباراً ایسرائیلین غزه‌یه هوجوملارینا تپکی اولاراق ایسرائیل شیرکتلرینه باغلی اولدوقلارینی ادیعا ائتدیکلری یمن ساحیل‌لرینده تیجارت گمیلرینی اله گئچیریب، بعضیلرینه پیلوتسوز اوچوش آپاراتلاری و راکئتلر ایله هوجوم ائدیرلر.
حوثیلرین حرکتلریندن سونرا بیر چوخ گمیچیلیک شیرکتی قیرمیزی دنیزدکی سیاحتلرینی دایاندیرماق قرارینا گلیب.
دونیا تیجارتین تخمینا یوزده ۱۲-ی آق‌دنیزینی قیزیل‌دنیزه بیرلشدیرن و آوروپا ایله آسیا آراسیندا ان قیسا مسیری تکلیف ائدن سوئز کانالی واسیطه‌سی ایله حیاتا گئچیریلیر.
ایلگیلی‌لی خبرلر
دمشق‌ین سیده زینب بؤلگه‌سیندکی آنباردا، آرالاریندا اوشاقلارین دا اولدوغو ۲۰-دن چوخ جسد تاپیلدی
سیده زینب بؤلگه‌سی، اسد رئژیمی داغیلمادان اول ایران میلیسلرینین قرارگاه‌ی ایدی
