ایرانین بیروت‌داکی سفیری مجتبی امانی، پئیجئر جیهازینین پارتلاماسی نتیجه‌سینده یارالانیب
ایسرائیل لبنان‌داکی پئیجئرلری پارتلادیب
ایرانین بیروت‌داکی سفیری مجتبی امانی، پئیجئر جیهازینین پارتلاماسی نتیجه‌سینده یارالانیب و خسته‌خانایا آپاریلیب.
ایرانین دؤلت تلویزیونوندان وئریلن معلوماتا گؤره، مجتبی امانی‌نین خانیمی سوسیال شبکه‌لرده انون یارالانماسینی تصدیقله‌ییب آنجاق یاراسینین سطحی اولدوغونو بیلدیریب.
دئمه‌لییک کی بو چرشنبه آخشامی گۆن اورتا ساعاتلاریندا، لبنان‌دا چاغری جیهازلاری‌نین (پئیجئرلر و بی‌سیم‌لر) پارتلاماسی نتیجه‌سینده یۆزلرله اینسان یارالاناراق خسته‌خانالارا یئرلشدیریلیب.
لبنان رسمی خبر آژانسی، ایسرائیلین بو پیچیده عملیاتی نتیجه‌سینده پئیجئرلرین پارتلادیغینی اعلان ائدیب.
سوسیال شبکه‌لرده انسان‌لارین جیبینده و الینده پارتلایان پئیجئرلردن چوخلو ویدئولار یاییملانیب.
بو پئیجئرلری داشییانلارین اکثریت‌ینین لبنان حزب‌الله‌ینین عۆضولری اولدوغو بیلدیریلیر.
ایلگیلی‌لی خبرلر
یمن‌ده‌کی حوثیلر ایسرائیله تئز-تئز راکئت و ایها هوجوملاری تشکیل ائدیب
یمن‌دن آتیلان راکئتدن سونرا یوز مینلرله اینسانین سیغیناجاقلارا آخیشدیغی ایسرائیل‌ده ۱۱ نفر یارالانیب
