سون ۲۴ ساعاتدا ۲۰ فیلیسطینلی داها حیاتینی ایتیردی

ایسرائیل اوردوسونون غزه یولاغینا ۷ اوکتبردان بو یانا تشکیل ائتدیگی هوجوملاردا قتل ائدیله‌نلرین ساییسی ۴۱ مین ۲۷۲ نفره چیخدی.

غزه‌ده‌کی ساغلیق ناظیرلیگیندن وئریله‌ن شرحده، ایسرائیلین غزه یولاغینا ۳۴۸ گوندور داوام ائتدیردیگی هوجوملارا باغلی معلومات وئریلدی.

ایسرائیل اوردوسونون سون ۲۴ ساعاتدا غزه یولاغینین مختلیف بؤلگه‌لرینده "۲ قیرغین" گئرچکلشدیردیگی، بو هوجوملاردا ۲۰ فیلیسطینلینین داها حیاتینی ایتیردیگی، ۵۴ فیلیسطینلینین یارالاندیغی ایفاده ائدیلدی.

ایسرائیلین ۷ اوکتبردان بو یانا غزه یولاغینا تشکیل ائتدیگی هوجوملاردا حیاتینی ایتیره‌نلرین ساییسینین ۴۱ مین ۲۷۲ نفره، یارالی ساییسینین دا ۹۵ مین ۵۵۱ نفره چیخدیغی قئید ائدیلدی.

شرحده آیریجا هله داغینتی آلتیندا و یول کنارلاریندا اؤلولرین اولدوغو آنجاق ایسرائیل گوجلرینین مانع تؤرتمه‌سی سببی ایله ساغلیق قروپلاری ایله مولکی مدافعه مامورلارینین جنازه‌لره چاتابیلمه‌دیگی تکرارلاندی.