Ärdoğan-Kagame matbuğat oçraşuı

Ärdoğan İlbaşı qolliyäsendä üzara häm wäkilleklärara söyläşülärdän soñ Ruanda İlbaşı Paul Kagame belän urtaq matbuğat oçraşuın oyıştırdı.

Ärdoğan ike il ilçelekläreneñ 2013nçe häm 2014nçe yıllarda ike yaqlı bularaq açıluınnan soñ Törkiyäneñ Ruanda belän mönäsäbätläreneñ bik citdi üseş aluına basım yasadı.

Ärdoğan Kagame belän ütkärgän söyläşülärdä säwdä, investiśiyälär, ênergetika, mäğarif, mädäniyät, saqlanu sänäğäte häm tikşerenülärne üsterü tarmaqlarında xezmättäşlekneñ nığıtıluına qağılışlı bularaq yasalaçaq adımnarnı qarap çığuların belderde.

Ärdoğan: “Firmalarıbıznıñ aldıbızdağı çorda investiśiyälären arttıruı belän Ruandanıñ üseş maqsatına öleş kertü mäs’äläsendä xörmätle İlbaşı belän kileştek”, - dip äytte.

Kongo Demokratik Cömhüriyäte belän yäşängän tartqalaşunıñ tınıç yullar belän xäl itelüen ömet itüen belderüçe Ärdoğan: “Angolanıñ aradaşçılığında alıp barılğan turıdan-turı söyläşülärne çın küñelebezdän yaqlıybız. Böyek küllär töbägendä totrıqlılıqqa häm tınıçlıqqa öleş kertäçäk bu mäs’äläneñ çişeleşe ölkäsendä här ike yaq da telägän oçraqta bez dä Törkiyä bularaq härtörle yärdämgä äzer”, - dip iskärtep uzdı.

Matbuğat oçraşuı aldınnan Törkiyä belän Ruanda arasında 4 kileşügä qul quyıldı.

Ärdoğan Kagame xörmätenä kiçke aş mäclesen dä oyıştırdı.

İlbaşı qolliyäsendäge aş mäclese matbuğatqa yabıq uzdı.