Tatarstan Räise Ärdoğanğa qayğı urtaqlaşu belderde
Röstäm Miñnexanov:"Bez Sezneñ belän häm tuğandaş Törkiyä xalqı belän bergä qayğırabız”
2233155
Törkiyäneñ Kartalkaya çañğı şuu üzägendäge “Grand Kartal” qunaqxanäsendä yanğında keşelär hälaq bulu säbäple Tatarstan Räise Röstäm Miñnexanov Törkiyä ilbaşı Räcäp Tayyip Ärdoğanğa qayğı urtaqlaşu belderde.
“Xörmätle Prezident äfände! Törkiyäneñ Kartalkaya taw çañğısı kurortında “Grand Kartal” qunaqxanäsendä yanğın turında xäbärne Tatarstan Respublikasında tirän ükeneç belän qabul ittek. Yaqınnarın yuğaltqan ğailälärgä tirän qayğı urtaqlaşu häm zıyan kürüçelärgä tizräk sälamätlänü teläkläre citkeräm. Yuğaltu açısın ixlas utaqlaşabız, Sezneñ belän häm tuğandaş Törkiyä xalqı belän bergä qayğırabız”,-diyelä qayğınamädä.
Monnan alda Rusiya däwlät başlığı Vladimir Putin da Törkiyä citäkçesenä qayğı urtaqlaşu süzläre beldergän ide.
