Altun: “Çınlıqçı dialog nigezlären salırğa tırışabız”

Törkiyä İlbaşı idaräseneñ êlemtä başlığı Fahrettin Altun: "Bügen İzrail genośid maşinası häm anıñ cinayät urtaqları bu cinayätlären qılğan çaqta xörmätle İlbaşıbız böten barlığı belän xalıqara platformalarda, dönya liderları belän ütkärgän söyläşülärdä iñ açıq, iñ anıq räweştä bu ütereşne, genośidnı tuqtatuğa, cäberlängännärneñ yaralarınıñ beterelüenä bulışlıq itü öçen tırışa”, - dip äytte.

Altun TRT Törkiyä teleradiokompaniyäseneñ qabul itüendä "Borılış noqtasında dönya: krizislärne häm üzgäreşlärne idarä itü” teması belän İstanbul Kongress üzägendä oyıştırılğan TRT World Forum 2024neñ açılışındağı çığışında TRT World Forum, Antaliyä diplomatiyä forumı, İstanbul qurqınıçsızlıq forumı häm STRATCOM kebek xalıqara platformalar aşa dönyağa, keşelärgä täêsir itüçe töp mäs’älälärgä, aşığıç problemalarğa qağılışlı çınlıqçı dialog nigezlären salırğa tırışuların, tınıçlıqqa, iminlekkä, mullıqqa häm keşelek isänlegenä yünälgän global’ xäbärdarlıqnı buldıru öçen tırşuların äytte.

Maqsatlarınıñ suğışlar häm genośidlar belän artqan totrıqsızlıqlar, qurqınıçsızlıqlarğa duçar bulğan dönyağa Könbatış töp ağımındağı süzlärdän çittä iğ’tibarsız qaldırılğan, tawışsız qaldırılırğa tırışılğan häm çitläşterelgän qatlamnarnıñ çişeleş täq’dimnären dönyaküläm söyläşü temasına äyländerü buluına işarät itüçe Altun: "Bez qanäğätlelek belän şunı küräbez: bügen TRT World Forum belän bergä şuşı platformalarıbız instituśional’läşä bara, könnän-kön tağın da kübräk xalıqara iğ’tibarnı cälep itä”, - dip äytte.

Forumnı tormışqa aşıruğa öleş kertüçelärgä räxmäten citkerüçe Altun biredä tuğan fikerlärneñ, çişeleşlärneñ häm xezmättäşleklärneñ êlemtä häm diplomatiyä ölkäsendäge yaña häm ğadel global’ iniśiativalarğa ilham birüen häm tağın da tınıç häm mul dönya tözelüenä öleş kertüen telim”, - dip belderde.