Ärdoğan Qırğızstan ilbaşı belän urtaq matbuğat oçraşuı ütkärde

Törkiyä ilbaşı Räcäp Tayyip Ärdoğan Törki däwlätlär oyışmasınıñ 11nçe sammitı qısalarında Qırğızstan ilbaşı Sadır Caparov belän ike il arasındağı kileşülärgä qul quyğannan soñ urtaq matbuğat oçraşuı ütkärde.

Ärdoğan ike il arasında qurqınıçsızlıq, ênergetika, mäğarif, sälamätlek saqlaw häm mädäniyät kebek şaqtıy ölkädä 19 kileşügä qul quyuların, Bişkäktä Törek xezmättäşlek häm koordinaśiya agentlığı (TİKA) tarafınnan  tözelgän  häm cihazlandırılğan Qırğızstan Törkiyä duslıq däwlät xastaxanäsen açuların belderep, qardäş qırğız xalqınıñ iminlegen arttıru tırışlıqların qatğıy räweştä däwam itäçäklären citkerde.

Ärdoğan Caparov belän global’ häm regional’ mäs’älälär xaqında fiker alışuların belderep bolay dide: “Berençe çiratta Ğazzä bulu belän bergä basıp alınğan Fälästin cirlärendäge häm Livandağı İzrail yawızlıqları kön tärtibendäge möhim tema ide. Törki dön’ya bularaq Ğazzädäge keşelek faciğasenä qarşı nıq torırğa, köçle totış kürsätergä kiräk”,- dide.

Qırğızstan ilbaşı Caparov Törkiyä ilbaşı Ärdoğanğa Qırğızstan belän Törkiyä arasında strategik partnyerlıqnı üsterügä häm ike il xalıqları arasındağı duslıq mönäsäbätlären nığıtuğa kertkän öleşe öçen berençe däräcä “Manas ordenı”n tapşırdı.