Altun: “Fälästin xaqıyqäteneñ awazı bulıp qalaçaqbız”

Fahrettin Altun başqala Änkarada “İzrailneñ yalğannarı” (The Lies of Israel) platformasın tanıtu programmasında çığış yasadı.

İzrailneñ Ğazzädäge genośidnı, zolımnı häm växşilekne böten Yaqın Könçığış töbägenä cäyelderergä tırışuına iğ’tibar yünältüçe Altun xaqıyqätneñ açıp salınuın iñ möhim wazıyfa bularaq kürülären äytte.

“Xaqıyqätlärne İzrailneñ häm yaqlawçılarnıñ yözlärenä bärep kürsätergä, Fälästin xaqıyqäteneñ awazı bulırğa häm bu awaznı dönyağa işetterergä däwam itäçäkbez”, - dip äytüçe Fahrettin Altun: “Törkiyä İzrailneñ Ğazzädä qılğan genośidqa qarşı här ölkädä iñ kisken reakśiyä kürsätä, qulındağı böten instrumentları belän genośidnı tuqtatu öçen tığız tırışlıq sarıf itä. Bez Êlemtä räislege bularaq ilebezneñ bu totışınıñ här êtabında, här ölkäsendä, här adımında üz burıçıbıznı ütibez”, - dide.

Êlemtä başlığı Altun İzrail lobbiseneñ (dairäläreneñ) xalıqara ölkädä ğadäti häm yaña media qoralları aşa urnaştırğan östenlegen adım adım cimerü öçen tırışlıq sarıf itülären belderde.

Altun İzrailneñ yalğannarı platformasınıñ küpqırlı mäğ’lümat bazası buluı arqasında möhim xalıqara çığanaq üzençälegendä buluın da iskärtep uzdı.