Kurtulmuş: “İslam ömmäteneñ berdäm buluı kiräk”

Kurtulmuş Parlamentlarara Berlekneñ 149nçı Ğomum şurasında qatnaşu öçen kitkän Şveyśariyäneñ Jeneva şähärendä Parlamentlarara Berlek Ğomum şurası qısalarındağı İslam xezmättäşlek oyışmasınıñ Parlament Berlege koordinaśiyä cıyılışında qatnaştı.

İslam xezmättäşlek oyışması Parlament Berlegeneñ çirattağı räise, Kot-d İvuar (Кот-д'Ивуар) Milli Mäclese başlığı Adama Biktogo citäklägän Jeneva xalıqara konferenśiyäse üzägendäge cıyılışta çığış yasawçı Kurtulmuş cıyılışta qatnaşqan illärneñ wäkillärenä törek xalqınıñ sälamnären häm duslıq yullamaların citkerde.

"Tarixnıñ şuşı kritik çorında böten keşelekneñ, ämma iñ küp İslam ömmäteneñ berdämlek kürsätüe kiräk. Mondıy berdämlek bulmıyça barı tik möselmannarğa ğına tügel, böten keşelek dönyasına yasalğan ğadelsezleklär belän köräşü hiç mömkin bulmayaçaq”, - dip äytüçe Kurtulmuş ber yıldan artıq fälästinnärneñ modern tarixta terkälgän iñ ayawsız genośid (иң аяусыз геноцид) kampaniyasınıñ qorbanı buluların äytte.

İzrailneñ böten xalıqara qağidälärne sanğa suqmıyça, äytep betergesez cinayät’lär êşläwne däwam itüen belderüçe Kurtulmuş: "İzrail xäzer inde bu zolımnı awır bombalaw häm ciröste höcümnäre belän Livan xalqına yünältkän wazğiyättä. Bu awır şartlarda Livan xalqı belän köçle teläktäşlegebezne citkeräm”, - dide.

İzrail Baş ministrı Netan’yaxu häm bandasınıñ qılğan qurqınıç cinayät’läre arqasında irtäme-soñmı xalıqara mäxkämälär aldında cawapqa tartılaçaqlarına basım yasawçı Kurtulmuş: "Bozıq dini fanatizm xise belän xäräkät itüçe Netan’yaxu bu suğışta da ciñelügä duçar bulaçaq. Biredä töp soraw – niçek häm qayçan ciñeläçäge", - dip iskärtep uzdı.

Kurtulmuş soñınnan Berläşkän Ğaräp Ämirlekläre Federal’ Şura başlığı Saqr Ghobaş belän oçraştı.

Numan Kurtulmuş oçraşu waqıtında Ghobaş belän soñğı tapqır küreşkän çaqta Fälästin mäs’äläseneñ töp kön tärtibe mäddäse buluın, bügen dä Fälästin xalqınıñ problemalarının xäl itelä alınuı, genośidnıñ tuqtatıluı, aşığıç yärdämneñ täêmin itelüe, utnı tuqtatunıñ tormışqa aşırıluı häm bäysez Fälästin däwläteneñ tözelüe öçen köräş alıp barıluınıñ yänä töp kön tärtibendä urın aluın bilgeläp uzdı.

Berläşkän Ğaräp Ämirlekläre Federal’ Şura başlığı Ghobaşnıñ İstanbulda oyıştırılğan zur Fälästin mitingında qatnaşuın onıtmayaçaqların äytüçe Kurtulmuş Berläşkän Ğaräp Ämirlekläre belän töbäk tınıçlığınıñ urnaştırıluı öçen urtaq adımnar yasaluınıñ täêmin itelüeneñ zarurlığın belderde.

Kurtulmuş ayıruça Berläşkän Ğaräp Ämirlekläre Federal’ Şura başlığı Ghobaşnı Törkiyägä çaqırdı.