Vuçiç: “Bezneñ öçen Törkiyä belän mönäsäbätlär – tınıçlıq häm totrıqlılıq dimäk”
Serbiyä İlbaşı Aleksandr Vuçiç: "Törkiyä belän mönäsäbätlärebez iq’tisadi xezmättäşlektän tış bezneñ öçen tınıçlıq häm totrıqlılıq dimäk”, - dip äytte
Serbiyä başqalası Belgradta oyıştırılğan "Serbiyä-Törkiyä êş forumı”nda İlbaşı Räcäp Tayyip Ärdoğan belän bergä qatnaşqan Vuçiç, biredä yasağan çığışında, törek firmalarınıñ Serbiyädäge investiśiyäläreneñ bik möhim buluına basım yasadı.
Serbiyäneñ timer yulı proyektlarına tuqtalıp uzğan Vuçiç: "Ber aydan soñ açılaçaq yaña timer yulı belän Budapeştqa tağın da yaqınraq bulaçaqbız. Nişkä qadär salınaçaq timer yul belän isä İstanbulğa beraz yaqınlaşırbız”, - dide.
Vuçiç: "Törkiyä belän mönäsäbätlärebez iq’tisad xezmättäşlege genä tügel, bezneñ öçen Törkiyä belän mönäsäbätlär – tınıçlıq häm totrıqlılıq dimäk”, - dip bilgeläp uzdı.
Serbiyäneñ qabul itüendä oyıştırılaçaq EXPO 2027 öçen törek firmalarınnan yärdäm alaçaqların iskärtep uzuçı Vuçiç: "Ärdoğannan Törkiyäneñ yärminkädäge qatnaşuınıñ da köçle bulaçağı süzen aldıq. Bez bik şat”, - dip äytte.
Vuçiç duslığı öçen İlbaşı Ärdoğanğa räxmäten citkerde.
Bäyläneşle xäbärlär
"Törek hawa yulları" Ginnesnıñ rekordlar kitabında
"Törek hawa yulları" iñ küp däwlätkä oçuçı aviaşirkät iseme aldı
