Ärdoğannıñ Balkan säfäre töbäk illäreneñ matbuğatında

Ärdoğannıñ Albaniyä säfäre il matbuğatında kiñ yaqtırtıldı.

Albaniyäneñ “Telegrafik” agentlığı (ATA), säfärgä kiñ urın ayırıp quyıp, Törkiyä häm Albaniyä arasında xezmättäşlek, êlemtä, mäğarif häm awıl xucalığı ölkälärendä 4 kileşügä qul quyıluına iğ’tibar yünältte.

Albaniyäneñ “Top Channel” televideniye kanalı Ärdoğannıñ ilgä säfären yaqtırtqan häm internet säxifäsendä çıqqan xäbärneñ başçasın: "Tiranğa räsmi säfär yasağan Ärdoğannan Albaniyägä yullama: “FETÖ” belän köräşkä däwam itäçägebezgä ışanam”, - dip atağan.

“Balkanweb” portalı isä xäbärendä: "Ärdoğan Tiranda İzrailneñ Ğazzägä häm Livanğa höcümnären gäyepläde” dip basım yasıy.

Serbiyäneñ “Tanyug” räsmi xäbär agentlığı Ärdoğannıñ: “Serbiyä belän mönäsäbätlärebezdä altın çor yäşibez” digän süzlären citkerä.

Serbiyä teleradiokompaniyäse isä, Ärdoğannıñ iq’tisad turındağı belderülärenä işarät itep, ike ilneñ sänäğät ölkäsendä mönäsäbätlären üsterüe süzlärenä basım yasıy.

Bosniya-Herśegovinanıñ iñ küp uqılğan “Dnevni Avaz” gazetınıñ internet portalındağı yazması: "Ärdoğan Belgradta: Bosniya-Herśegovinada totrıqlılıqnıñ saqlanıp qaluına täwäkkällege raslandı” dip atalğan.

Ärdoğannıñ bigräk tä Balkanda tınıçlıqnıñ saqlanıp qaluı, Kosova häm Serbiyä arasındağı mönäsäbätlärdä ipläp xäräkät itelüenä qağılışlı qaraşına iğ’tibar yünältelä.

Xäbärdä ayıruça Ärdoğannıñ Ğazzä belän bergä yaw astındağı Fälästin cirlärendäge häm Livandağı xällärne quzğatuı citkerelä.

Xorvat teleradiokompaniyäse isä Albaniyädän soñ Serbiyägä säfär yasağan Ärdoğannıñ tınıçlıqnı saqlaw öçen Serbiyä belän saqlanu sänäğäte ölkäsendä xezmättäşlek urnaştıraçaqlarına qağılışlı süzläre belän urtaqlaşa.

Kosova matbuğatında Ärdoğannıñ Albaniyä säfäre qısalarında iğ’lan itelgän Albaniyägä kamikadze dron büläk itelüe turındağı xäbärlärgä urın birelä.

İlneñ iñ zur xäbär agentlığı “KosovaPress” şuşı xäbärne centekläp yaqtırta.