Ärdoğan: “Serbiyä belän säwdä külämebez 2 yıl rättän rekord quydı”

Serbiyädäge ber qunaqxanädä kiçä oyıştırılğan Törkiyä-Serbiyä êş forumında çığış yasawçı Ärdoğan: "Törkiyä häm Serbiyä qısqa waqıtta bik möhim yul uzdı. Säwdä külämebez 2 yıl rättän rekord quyıp 2 milliard dollardan arttı”, - dip äytte.

İlbaşı Ärdoğan: "Törek şirkätläreneñ Serbiyädä êş belän täêmin itkän investiśiyäläre könnän-kön arta bara. Serbiyädä törek kapitallı yaqınça 850 investorıbız bar. Bu şirkätlär citeştergän östämä qıymmät soñğı 12 yılda 1 million dollardan 405 million dollar däräcäsenä citte”, - dip belderde.

"İq’tisad häm säwdä xezmättäşlegebezne ike yaqlı mönäsäbätlärebezneñ lokomotivı bularaq küräbez”, - dip äytüçe Törkiyä Däwlät başlığı ike il arasındağı êlemtälärdä ireşelgän yuğarı däräcäneñ tağın ber çağılışınıñ da turizm ölkäsendä urnaştırılğan yaqın xezmättäşlek buluın iskärtep uzdı.

Ärdoğan bolay dip däwam itte:

"İllärebez arasında turizm tarmağınıñ üseşe häm iq’tisadlarıbızğa häm xalıqlarıbız arasındağı bağlanışlarğa möhim öleş kertä. Bu yıl axırında Serbiyädän Törkiyägä kilgän turist sanınıñ 360 meñ bulğan 2022nçe yıldağı rekordnı uzaçağın ömet itäm.

Törek watandaşlarınıñ da Serbiyägä säyäxät qılğan turistlar arasında berençe urında buluı bezne ayıruça qanäğät itä. Tanıqlıq (êçke pasport) belän säyäxät itü protokolı raslanğannan soñ bu sannıñ, tabiği bularaq, sizelerlek däräcädä artuın kötäbez".