Törekmänstannıñ milli liderı Törkiyä Böyek Millät Mäclese başlığın qabul itte

 Törekmänstannıñ milli liderı häm Xalıq Mäsläxäte räise Ğorbanğulı Bärdemöxämmädov Törkiyä Böyek Millät Mäclese başlığı Numan Kurtulmuşnı qabul itte.

Oçraşuda Törkiyä belän Törekmänstan arasında ike yaqlı häm parlamentara mönäsäbätlär qaraldı.

Monnan tış alar İzrailneñ Ğazzägä häm Livanğa höcümnäre, könüzäk global’ problemalar turında fiker alıştılar.

Kurtulmuş oçraşu barışında tanılğan törekmän şağıyre Mäxtümqolıy Fraginıñ tuuınıñ 300 yıllığına bağışlanğan forum nisbätennän Törekmänstanğa kilüenä bik şat buluın citkerde.

Numan Kurtulmuş Törkiyä häm Törekmänstannıñ tarixi häm mädäni bäyläneşlärgä iyä ike tuğandaş il buluın, bu bäyläneşlärneñ üzara xörmät häm urtaq mänfäğat’lär nigezendä üsüen teläwen citkerde.

Törkiyä Böyek Millät Mäclese başlığı Numan Kurtulmuş Törekmänstannıñ milli liderı häm Xalıq Mäsläxäte räise Ğorbanğulı Bärdemöxämmädov forumda qatnaşuçı delegaśiya başlıqları xörmätenä Arkadag aqıllı şähärendä oyıştırğan kiçädä dä qatnaştı.