Törkiyä - dön'yanıñ iñ yaxşı dron täêminatçısı
2014nçe yılda Qıtay dronnar satuda iñ aldınğı däwlät bulıp torsa, 2021nçe yılda Törkiyä anı uzıp kitte
Törkiyä axırğı yıllardağı uñışları belän dön’yadağı iñ zur dron täêminatçısı buldı.
AQŞnıñ “Yaña Amerika iminlek üzäge” dip ataluçı oyışması xärbi keşesez hawa apparatlarınıñ global’ bazarın küzdän kiçerep xisap äzerläde.
Analitik Molli Kêmpbellnıñ fikerenä qarağanda, Qıtay, Törkiyä häm İrannıñ az çığımlı xärbi dronnar yasap çığaruınnan soñ İzrail belän AQŞnıñ älege bazardağı xakimlege tögällände.
Qıtay, Törkiyä häm AQŞ 2018nçe yıldan birle 40 däwlätkä tulayım 69 kileşü belän xärbi dronnar sattı. Alarnıñ 65%ı - Törkiyäneke, 26%ı - Qıtaynıqı. AQŞ isä älege satularnıñ bik az öleşen başqardı. 2022nçe yılda 6 yaña il keşesez hawa apparatları satıp ala başladı. Alar barısı Törkiyäneñ “Baykar” şirkäte citeştergän “Bayraktar TB2”lärgä östenlek birde.
2014nçe yılda Qıtay dronnar satuda iñ aldınğı däwlät bulıp torsa, 2021nçe yılda Törkiyä anı uzıp kitte.
Xisapqa qarağanda, Liviya, Qarabax häm Ukrainadağı suğış mäydannarında Törkiyäneñ keşesez hawa apparatları uñışı häm monıñ mediada çağılış tabuı populyarlıqqa öleş kertte.
