Tatar Hristodulidis belän oçraştı

Oçraşu Berläşkän Millätlär Oyışması Ğomum särqatibeneñ Kipr maxsus wäkile häm Kiprdağı BMO tınıçlıq köçe missiyäse citäkçese Kolin Styuartnıñ buffer töbägendäge ştabında ütkärelde.

Tön’yaq Kipr Törek Cömhüriyäte Däwlät başlığı belän Kipr grek citäkçelege liderı Hristodulidis bik küp mäs’äläne, şul isäptän ike il arasındağı çik buyı qapqaların söyläşüe belderelde.

Söyläşüdän soñ Tön’yaq Kipr Törek Cömhüriyäte İlbaşı Tatar yasağan belderüendä Kipr grek liderı Hristodulidis belän ütkärgän söyläşü waqıtında kön tärtibendä bulğan Haspolat qapqası belän bergä Akıncılardan da ber çik buyı qapqasınıñ açıluın täq’dim itüen citkerep, Kipr grek tarafınıñ watandaşları öçen Kiracıköy häm Äränköydän tranzit kiçü, yäğ’ni Tön’yaq Kipr Törek Cömhüriyäte cirläre aşa uzu telägen belderüen iskärtep uzdı.

Kipr grek citäkçelegeneñ, Tön’yaq Kipr Törek Cömhüriyäte watandaşları arasında diskriminaśiya yasap, çığışı belän Törkiyädän bulıp, soñınnan watandaşlıq aluçılarğa kerü röxsäten birmäwen xäterlätüçe Tatar Kipr grek liderı Hristodulidis belän oçraşuı waqıtında bu mäs’äläne dä quzğatuın añlattı.

Tatar, Kipr grek idaräse cirlegenä uzu mäs’äläsendä Tön’yaq Kipr Törek Cömhüriyäte watandaşları arasında diskriminaśiya yasawnıñ qabul itelmäslek buluın Hristodulidiskä citkerüenä basım yasap, Kipr grek citäkçelege liderı belän 10nçı fevralgä qadär qabat küreşep söyläşäçägen bilgeläp uzdı.

Hristodulidis ta oçraşudan soñ yasağan belderüendä bügenge söyläşülärendä İlbaşı Tatarğa N’yu-Yorkta kiçke aş mäclese waqıtında quzğatılğan kiçü noqtaları häm başqa fikerlär belän bäyle sigez mäddälek täq’dim paketın tapşıruın citkerde.

Şuşı paketnıñ öleşläp tügel, tulı kileş qabul itelüeneñ zarurlığın äytüçe Hristodulidis monıñ böten kiprlılarnıñ, Kipr grekları belän Kipr törekläreneñ faydasına buluın yaqladı.