Törekmänstan İlbaşı Törkiyä ministrın qabul itte
Törkiyä säwdä ministrı Ömär Bolat Törkiyä belän Törekmänstan arasında bilgelängän 5 milliard dollarlıq säwdä küläme maqsatına iñ qısqa waqıtta ireşüne maqsat itülären belderde
Ömär Bolat başqala Aşxabadta oyıştırılğan 11nçe Törekmänstan-Törkiyä êksport êşlänmäläre yärminkäsendä qatnaşu öçen kitkän Törekmänstanda İlbaşı Särdar Bärdimöxämmädov tarafınnan qabul itelde.
Biredä yasağan bäyäläwendä köçen qardäşlek bağlanışlarınnan alğan törek-törekmän mönäsäbätläreneñ bigräk tä soñğı çorda iğtibarğa layıq alğarışqa iyä buluın iskärtep uzuçı Bolat Törekmänstan belän säwdä häm iqtisad êlemtälären Törekmänstan Ministrlar Şurası başlığı urınbasarı Nökergulı Atagulıyev belän koordinaśiyä êçendä alıp baruların citkerde.
Ministr Bolat, urtaq tırışular näticäsendä säwdä külämeneñ 2 milliard 700 million dollarğa yaqınayuına iğtibarnı yünältep:
"İle yaqlı investiśiyälärebez 200 million dollardan arttı häm podryadçiklarıbız Törekmänstanda 53 milliard yarım dollar qıymmätendä 1 meñ 100gä yaqın proyektnı üz östenä aldı. Säwdä, kapital salu häm podryadçılıq ölkälärendä xezmättäşlekneñ tağın da üsterelüe mömkin. İñ zur maqsatıbız - 5 milliard dollarlıq säwdä küläme maqsatına iñ qısqa waqıtta ireşü”, - dip äytte.
Säwdä ministrı Bolat sıyfatın uñışları belän isbatlağan törek podrayçiklarınıñ Törekmänstanda yaña proyektlarnı üz östenä alırğa äzer buluın belderep, tradiśion xälgä äylängän, Törekmänstan-Törkiyä êksport êşlänmäläre yärminkäseneñ ike yaqlı säwdä maqsatlarına ireşü öçen cineläytüçe rolne üz östenä aluın äytte.
Bäyläneşle xäbärlär
32 keşeneñ isän kileş qotqarıluı bilgele
“Azärbaycan hawa yulları” şirkäteneñ yulçı oçqıçı Qazaqstannıñ Aqtaw şähäre yänäşäsendä kilep töşte
