Qazaqstan xalqı atom êlektrostanśiyäsen yaqlap çıqtı

İlneñ televideniye kanallarınnan turıdan-turı tapşırılğan referendum näticälärenä kürä, "Sośis-A" kiñqırlı sośial tikşerenülär institutı ütkärgän soraştıruda referendumda qatnaşu küläme 67,3% bulğan.

Tawış birüçelärneñ 69,8% uñay tawış birep, ildä atom êlektrostanśiyäse tözelüen yaqlap çıqqan bulsa, 30,2% moña qarşı çıqqan.

Xakimiyättäge “Amanat”nıñ däwlät säyäsäte institutı tarafınnan ärcädä 44 meñ 160 tawış birüçe belän ütkärelgän soraştıruğa kürä dä, qatnaşuçılarnıñ 72,3% “äye” dip äytkän bulsa, 27,7% “yuq” digän.

Awraziyä integraśiyä institutı da 30 meñ tawış birüçe belän soraştıru ütkärgän. Anıñ näticälärenä kürä, tawış birüçelärneñ 71,8% ildäge atom êlektrostanśiyäseneñ salınuın xuplağan bulsa, 28,2% moña tiskäre tawış birgän.

Qazaqstan xalqı kiçä yäkşämbe könne irtä belän ildä berençe atom êlektrostanśiyäseneñ tözelüe-tözelmäwe mäs’äläsendä qarar qılu öçen tawış birgän ide.

Qazaqstan üzäk saylaw komissiyäseneñ alnäticälärenä kürä dä, 12 million 244 meñ 683 tawış birüçedän 7 million 820 meñ 918e (63,87%) referendumda qatnaşqan.

Tawış birüçelär "Sez Qazaqstanda atom êlektrostanśiyäseneñ salınuına rizamı?" digän sorawğa uñay yäki tiskäre tawış birde.

Referendumnıñ töğäyen näticäläre Qazaqstan üzäk saylaw komissiyäse tarafınnan 7 kön êçendä açıqlanaçaq.