Tatar ike däwlätle çişeleşkä basım yasadı

Tatar yasağan belderüendä üzläreneñ Kipr mäs’äläsendä bilgelägän ike däwlätle çişeleş säyäsäten Kipr törek xalqınıñ küpçelegeneñ häm Törkiyäneñ xuplawın belderde.

Tatar: "Kipr mäs’äläsendäge yaña çor säyäsätebez döres, nigezle häm, hiçşiksez, däwam itelep maqsatqa ireştereläçäk wazğiyättä”, - dip äytte.

Kiprda ike ayırım däwlät buluın, ike däwlätneñ xezmättäşlegeneñ täêmin itelüe häm xalıqlarınıñ mönäsäbätläreneñ tınıçlıq häm ışanıç êçendä qamilläştereläçäk kileşügä ireşelüe zarurlığın bilgeläp uzuçı Tatar sentyabr azağına taba Amerika Quşma Ştatlarınıñ New York qalasında Berläşkän Millätlär Oyışması ğomum şurasında Kipr mäs’äläseneñ tağın ber qat qaralaçağına basım yasadı.

Xalıqara cämäğätçelekneñ tiz arada Tön’yaq Kipr Törek Cömhüriyäten tanu çaqıruın qabatlawçı Tatar: "Böyekbritan parlamentında da äytkänem kebek, Kiprda ike ayırım däwlät bar. Başqarıluı zarur bulğanı – şuşı çınbarlıqqa nigezlänep ike däwlätneñ xezmättäşlegen täêmin itü, ike xalıqnıñ ber-berse belän mönäsäbätlären tınıçlıq häm ışanıç êçendä üsteräçäk räweştä kileşügä ireşü”, - dide.