Төрeк мaтбугaтынa күзәтү - Törek matbuğatına küzätü 31.12.2024
31нчe декабрьдә бaсылып чыккaн кaйбeр төрeк гaзeтлaрынa күзәтү / 31nçe dekabrdä basılıp çıqqan qayber törek gazetlarına küzätü
“Star” gazetı: "Ärdoğan: ““PKK/YPG”neñ äñgämädäş itep kürsätelüe qabul itelmäslek”"
İlbaşı Ärdoğan Berläşkän Ğaräp Ämirlekläre Däwlät başlığı Şäyex Al Nahyan belän telefonnan söyläşte. Ärdoğan Törkiyäneñ Süriyädä êşçänlek alıp baruçı “PKK/YPG” terror oyışmasınıñ töbäktäge kördlärneñ wäkile häm äñgämädäş bularaq kürsätelüen qabul itä almayaçağın, “DEAŞ”nıñ da töbäktäge butalçılıqtan faydalanuınıñ totqarlanuınıñ häm İzrailneñ, xäzerge wazğiyätne qullanıp, Süriyädäge yaña barışqa zıyan kiterüenä yul quymawnıñ zarurlığın belderde.
“Yeni Şafak” gazetı: "Törek ênergetika wäkillege wazğiyätne bilgeläw öçen Dimäşqtä"
Törkiyä Süriyäneñ ênergetika asqormasınıñ yañadan êşli alırlıq xälgä kiterelüe öçen başqarılaçaq êşçänlekneñ bilgelänelüe häm yul kartası öçen Dimäşqkä wäkillek cibärde.
“Vatan” gazetı: "Bayraqtar: “Şırnakta könenä neft’ citeşterelüe 70 meñ miçkädän arttı”"
Ênergetika häm tabiği çığanaqlar ministrı Alparslan Bayraqtar: "Şırnak – möhim vilayätebezgä äylände, bigräk tä ênergetika häm neft’ öçen. Biredä dä bügenge köndä citeşterüebez 70 meñ miçkädän arttı”, - dip äytte.
“Sabah” gazetı: "“Togg” 20 ayda 72%lıq cirle külämen uzdı"
“Togg” cirle avtomobile bazarğa çığuınıñ 20nçe ayında Sänäğät häm texnologiyä ministrlığı bastırğan cirle tovar belderüenä yaraşlı bularaq 72.18% cirle bulu külämenä citte.
“Hürriyet” gazetı: "”Xörqoş”nıñ täwge oçışı başqarıldı”
Törek hawa köçläreneñ pilot öyrätü ixtıyacların qanäğätländerü häm saqlanu sänäğäteneñ sälät köçen tağın da üsterü maqsatınnan çığıp TUSAŞ tarafından êşläp çığarılğan “Xörqoş”nıñ berençe oçışı yasaldı. 20 minutlıq oçışta 6 meñ 500 fut biyeklekkä häm 140 uzel tizlegenä ireşelde.
