Törek matbuğatına küzätü 3.10.2024

“Star” gazetı İzraildä “TRT Xäbär” kanalı törkemenä êşlären başqarırğa kirtä quyarğa tırışuları turında yaza. İzraildä İran raketaları kitergän zıyannı töşergän “TRT xäbär” törkemenä qomaçawlarğa tırıştılar. Törkiyä ilbaşı idaräseneñ êlemtä bülege başlığı Fäxrettin Altun moña reakśiya belderep,”Qatıyl’ İzrail närsä êşläsä dä, Ğazzä häm Livannan êlemtä koridorın açıq totaçaq jurnalistlar härwaqıt bulaçaq” dide.

“Vatan” gazetı Livandağı Törkiyä köymäläreneñ qurqınıçsızlıq däräcäseneñ arttırıluın xäbär itä. Transport häm asqorma ministrı Abdulqadıyr Uraloğlu Livan portlarındağı häm su kiñleklärendäge Törkiyä bayraqlı köymälärneñ Xalıqara köymälär häm port ob’yektları qurqınıçsızlıq kodınıñ däräcäsen 3 kä, yäğ’ni iñ yuğarı däräcägä kütärülären citkerde.

“Sabah” gazetı ”Bayraktar TB3” pilotsız oçu apparatı xalıq aldında berençe oçışın yasadı dip citkerä. Adana hawa mäydanında 128 oyışma qatnaşında Aviaśiya, ğaläm häm texnologiya festivale TEKNOFEST başlandı. “Baykar” tarafınnan êşlängän “Bayraktar TB3” qorallı pilotsız oçu apparatı xalıqqa açıq berençe oçışın Adanada festival’ qısalarında tormışqa aşırdı.

“Hürriyet” basması “Oruç Reis”neñ Somaliğa kitäçäge turında yaza. Törkiyä ênergetika häm tabiği çığanaqlar ministrı Alparslan Bayraktar “MTA Oruç Reis” seysmik tikşerenü korabınıñ şimbä könne Somaliğa cibäreläçägen belderde.

“Yeni Şafak” gazetı “TOGG” avtomobilen Balkanda tanıtalar dip xäbär itä. Bosniya Gerśegovinada üz êşen başlap cibärgän häm Balkannıñ iñ möhim ğomumi säwdä yärminkäläreneñ berse bulğan ZEPS yärminkäsendä Törkiyä, “TOGG”nı da kertep, 35 şirkät belän qatnaşa. Törkiyä markaları yärminkädä yaña êşlänmälären Balkan häm Awrupa illärenä tanıtaçaq.