Törek matbuğatına küzätü 19.09.2024
19 nçı sentyabr' könne basılıp çıqqan qayber törek gazetlarına küzätü
“Hürriyet” gazetı ilbaşınıñ süzläre belän “Törkiyä podryadçiklar tarmağında ikençe urında“ dip yaza. İlbaşı Räcäp Tayyip Ärdoğan äytüençä, podryadçiklar tarmağı -Törkiyäneñ iñ köçle tarmaqları arasında. Ärdoğan “Bez Qıtaydan soñ şirkätlär sanı buyınça 2 nçe urında” dide.
”Yeni Şafak” gazetı ilbaşınıñ “Törkiyä êşlänmäläre kermägän il qalmadı” digän süzlären uquçıları belän urtaqlaşa. Törkiyä produktları kermägän il qalmawın belderüçe ilbaşı Ärdoğan “Êksportnı 36 milliard dollardan 256 milliard dollarğa qadär arttırdıq” dip äytte.
“Haber Türk” gazetı “Törkiyä belän Şveśiya arasında “Qırqınıçsızlıq mexanizmı” cıyılışı kiçekterelde” dip xäbär itä. Kiçä Änkarada ütkärergä planlaştırılğan Törkiyä belän Şveśiya arasındağı “Qurqınıçsızlıq mexanizmı” cıyılışı Şveśiya ministrların alıp barğan oçqıçtağı tözeksezlek arqasında kiçekterelde. Şveśiya tışqı êşlär ministrlığı cıyılış öçen yaña data bilgelänçägen belderde.
“Vatan” gazetı “Törkiyäneñ tamğaxanä sisteması İzrail öçen yabıq” isemle yazmasında citkergänçä, Törkiyä säwdä ministrlığı İzrailgä êksport häm import öçen terkälgän tamğaxanä bäyannamäse yäki İzraildän ilebezgä bernindi cibärü yuq. İzrail öçen tamğaxanä sisteması yabıq” dip belderü yasadı.
“Star” gazetı “Törkiyä - Misır yaqınlaşuı Liviya öçen dä forsat” dip citkerä. Liviya wäkillär palatası başlığı Akila Salix Törkiyä belän Misır arasındağı yaqınlaşunı üz ilendäge krizisnı çişü mömkinlege dip sanıy. Salix şulay uq Törkiyä - Misır yaqınlaşuınıñ Liviyädäge çit il köçläreneñ ildän çığarıluın da ciñeläytüen äytte.
