Törek matbuğatına küzätü 18.09.2024
18nçe sentyabr' könne çıqqan qayber törek gazetlarına küzätü
“Star” gazetı Ärdoğannıñ BMO ğomum şurasına möräcäğat’ itäçägen citkerä.
Törkiyä ilbaşı Räcäp Tayyip Ärdoğan 24nçe sentyabr’dä 14nçe tapqır Berläşkän Millätlär Oyışmasınıñ ğomum şurasına möräcäğat’ itäçäk. Çığışnıñ könüzäk maddäse - İzrailneñ Ğazzädäge qanqoyışı.
“Sabah” gazetı ministr Fidannıñ diplomatik êşçänlege turında mäğ’lümat birä.
Törkiyä tışqı êşlär ministrı Xaqan Fidan kiçä AQŞ däwlät departamentınıñ säyäsi êşlär inspektorı wäkile Djon Bass belän söyläşte.
“Haber Türk” gazetı terrorçılıqqa qarşı köräştäge uñışlar turında yaza.
Törkiyä êçke êşlär ministrı Ali Yärlikaya êzläwdä bulğan ike terrorçınıñ kiçä täêsirsez xälgä kiterelüen citkerde.
“Hürriyet” gazetı 4 Törkiyä şirkäteneñ dön’ya gigantları isemlegenä kerüen xäbär itä.
Dön’yadağı iñ abruylı xäbär häm säyäsät jurnalı “ TIME” äzerlägän “Dön’yadağı iñ yaxşı şirkätlär -2024” isemlegendä Törkiyädän 4 oyışma bar. Bolar: “Sabancı Holding”, “Koç Holding”, “Akbank” häm “Enka”.
“Vatan” gazetı Antaliya aêroportında yulçılar sanındağı rekord turında citkerä.
Antaliyägä avgust axırına qadär 11,7 million çit il turistı kilgän, ä aêroport isä tulayım 26 million 628 meñnän artıq yulçını qabul itkän.
