Zäytünle çikläwekle kurab’ye

Kiräkle rizıqlar:

125 gram may (yäisä margarin)

0,5 stakan sıyıq may (125 ml)

0,5 stakan yogurt (125 ml)

1 yomırqa

1 aş qaşığı alma serkäse

1 çäy qaşığı toz

0,5 stakan turalğan zäytün

1 uç ästerxan çikläwege

1 çäy qaşığı tim’yan

1 paçka qamır qabartqıç (razrıxlitel’)

4 – 4,5 stakan on

tmin, kunjut

Yasalışı:

Maylar, yogurt, yomırqa ağın häm serkäne ber sawıtta quşıp, bolğatabız. Yomırqanıñ sarısın öslären sılaw öçen qırıyğa quyıp torabız.

Toz, zäytün, çikläwek häm tim’yan salabız. (Zäytün tozlı bulsa, toz quşarğa kiräk tügel)

Onnı êtaplı räweştä salabız.

Qulğa yabışmıy torğan qamır kilep çığa. Qulda tügäräk kurab’ye räweşe birep, tabağa tezäbez.

Yomırqa sarısına äz genä zäytün mayı quşıp, öslären sılap çığabız.

Häm kunjut, tmin belän bizibez.

170 däräcädä aldan cılınğan miçtä kurab’yelar qızarıp çıqqanğa qadär peşeräbez.

Aşlarığız tämle bulsın!