Tatarstan xäbärläre 49/2024

Miñnexanov Qatar ämire belän investiśiyälär (инвестицияләр) häm xezmättäşlek turında fiker alıştı

Bu turıda “Tatar-inform” agentlığı xäbär itä:

Tatarstan Räise Röstäm Miñnexanov Qatar ämire Tamim bän Xämäd äl Tani belän oçraşu uzdırdı. Tatarstan Cömhüriyäte citäkçese Qatar yağınıñ çaqıruı belän Doxağa säfär qıldı, dip xäbär itte respublika Räise matbuğat xezmäte citäkçese Liliyä Ğalimova.

Röstäm Miñnexanov Qatar kompaniyälären Tatarstandağı investiśion proyektlarda (инвестицион проектларда) qatnaşırğa çaqırdı. Äñgämädäşlär ike yaq öçen dä qızıqlı bulğan konkret yünäleşlärgä tuqtaldı.

Monnan tış Röstäm Miñnexanov Berläşkän Ğäräp (Гарәп) Ämirlekläre viśe-prezidentı (вице-президенты) Mansur İbn Zäyd äl-Naxayan belän “Rusiyä – İslam dönyası” strategik qaraş törkeme qısalarında xezmättäşlek itü mäs’äläläre turında fiker alıştı. Ul Berläşkän Ğäräp (Гарәп) Ämirlekläre citäkçelärenä Däwlät oyışu köne uñayınnan qotlawların (котлауларын) citkerde. Äñgämädäşlär şulay uq “Rusiyä – İslam dönyası” strategik qaraş törkeme qısalarındağı êşçänlek turında söyläşte.

Tatarstan Räise Röstäm Miñnexanov İran İslam Cömhüriyäte tışqı êşlär ministrınıñ konsullıq, parlament mäs’äläläre häm çit illärdä yäşäwçe iranlılarnıñ êşlärennän cawaplı urınbasarı Vahid Cälalzadä belän oçraştı.

İskärtik, qunaq Qazanda İran baş konsullığınıñ yaña binasın açu tantanasına kilde, ul şähär üzägendä urnaşqan.

İran Tışqı êşlär ministrı urınbasarı oçraşu öçen räxmät belderde.

Alar bilgeläp ütkänçä, uzğan yıl yomğaqlarına (йомгакларына) qarağanda Tatarstan häm İran arasında tovar äyläneşe 178 million dollar täşkil itkän, ämma anı üsterü ölkäsendä êşne köçäytergä kiräk. Şuña bäyle räweştä (рәвештә) “Tönyaq-Könyaq” (Төньяк-Көньяк) xalıqara transport koridorınıñ tulı köçenä êşläwe (эшләве) ayıruça (аеруча) aktuallek (актуальлек) ala.

Ministr urınbasarı şulay uq Qazan belän İran şähärläre arasında turı reyslarnı yañartırğa kiräk, dip östäde.

Därdemänd büläge tapşırıldı

20nçe ğasır başının böyek (бөек) tatar şağire (шагыйре), cämäğät (җәмәгать) êşleklese, meśenat, (меценат), altın yatmaları xucası bulğan Därdemänd (Zakir Rämiyev (Рәмиев)) isemendäge premiyä tapşırıldı. Premiyä iyälären Qazan kooperativ institutında 5nçe Xalıqara Tatar mädäniyäte üzäkläreneñ onlayn festivalendä büläklädelär.

“Öfedän Därdemänd onığınıñ onığı, Rusiyä Federaśiyäseneñ (Федерациясенең) atqazanğan yuristı Batu Rämiyev (Рәмиев) onlayn êlemtä aşa ğailä tarixına tuqtaldı, qatnaşuçılarğa sälamnären, ciñüçelärgä qotlawların (котлауларын), Tatar mädäniyäte üzägenä räxmäten äytte. Säxnädä 20nçe ğasır başının böyek (бөек) tatar şağire (шагыйре), cämäğät (җәмәгать) êşleklese, meśenat (меценат), altın yatmalar xucası bulğan Därdemänd bülägen Rusiyä kooperaşiyä (кооперация) universitetı rektorı Alsu Näbiyeva (Нәбиева) tapşırdı”, - dide “Tatar-inform”ğa Qazan kooperativ institutınıñ Därdemänd isemensäge Tatar mädäniyäte üzäge citäkçese Flyura Abdullina.

Tömändä Seber tatar tele häm mädäniyäte könen bilgeläp üttelär

Tömän şähäre Tatar mädäni üzägendä uzğan waqiğa (вакыйга) xalıqnıñ tradiśiyälären (традицияләрен), ğoref-ğädätlären (гореф-гадәтләрен) häm telen saqlawğa (саклауга) bağışlanğan. Bu xaqta Bötendönya tatar kongressı xäbär itä.

Bu könne fän êşlekleläre, cämäğät (җәмәгать) aktivistları häm dini liderlar “Seber tatar telen saqlaw häm üsterü, cämäğätçelek iğtibarın (җәмәгатьчелек игътибарын) anıñ ähämiyätenä häm perspektivalarına cälep itü” tügäräk östäle êşendä qatnaştı.

Törkiyäneñ Antaliyä şähärendä ayğa ber tapqır tatar kinosı kürsäteläçäk

Bu xaqta “Tatar-inform” xäbärçesenä “Tatarstan mädäniyät cämğiyäte (җәмгыяте)” citäkçese Gölnaz Cihangirova söyläde.

“Aldağı yılda Antaliyädä yäşäwçe millättäşlärebez öçen här aynın soñğı şimbäsendä tatar kinosı kürsäteläçäk. Oktyabr (Октябрь) ayında “İbn Fadlan” ide. 30nçı noyabrdä (ноябрьдә) “Tatarstan mädäniyät cämğiyäte (җәмгыяте)” häm “Tatarkino” oyışmasınıñ urtaq proyektı (проекты) qısalarında Tatarstan häm Qazaqstannıñ (Казакъстанның) täwge (тәүге) urtaq icat cimeşe – “Tarlan” kinosı kürsätelde. Dekabrdä (Декабрьдә) tamaşaçılar xozurına “Sömbel” çığaçaq”, - dide Gölnaz Cihangirova.

Yazmada “Tatar-inform” xäbär agentlığı  yazmaları qullanıldı.