Söyembikä xanbikä isemendäge küper açılaçaq

Törkiyä başqalası Änkarada cäyäwlelär öçen yul aşa kiçü küperenä Söyembikä xanbikä iseme birelde. Şähär xakimiyäte belän Änkarada yäşäwçe tatarlar oyıştırğan açılış tantanası 19nçı oktyabr’dä uzaçaq.

Küper Yänimahallä rayonındağı Bağdad häm 238nçe uram kiseleşendä, ASELSAN başlangıç mäktäbe yanında urnaşqan.

Açılış tantanasında tatar tarixınıñ ähämiyätle şäxese, Qazan xanlığınıñ soñğı xanbikäse Söyembikä iskä alınaçaq. Anıñ isemeneñ cäyäwle küperenä birelüe - mädäni mirasnı xäterlätep toru öçen ähämiyätle çara.

Şaqtıy ğına oyışma häm cämğıyät’neñ yärdäme belän uzaçaq çarağa Änkara xalqınıñ zur iğ’tibar birüe kötelä. Açılış tantanası köndezge säğat’ 2dä başlanaçaq.