Törkiyäneñ urman çikläwegen iñ küp Germaniya satıp aldı

Törkiyä uzğan yıl 130 ilgä urman çikläwege sattı.

Bu xaqta Qara diñgez urman çikläwege häm êşlänmäläre êksportçıları assośiyaśiyäse xäbär itte.

Anda äytelgänçä, Törkiyä 2024 nçe yılda çit illärgä 323 meñ 243 tonna urman çikläwege sattı häm ul il iq’tisadına 2 milliard 635 million 868 meñ 856 dollar tabış kiterde.

Uzğan yılğı urman çikläwege êksportı, annan êlekke yıl belän  çağışrtırğanda, küläm yağınnan 39 meñ 724 tonnağa, kerem yağınnan 771 million 317 meñ 781 dollarğa kübräk.

Anı iñ küp satıp aluçı il – Germaniya. Êksportınıñ 27,3%ı älege ilgä turı kilä.

İtaliya belän Pol’şa da êksportta iñ yaxşı öçlekkä kerde.