Törkiyäneñ avtomobil’ êksportı artqan

Törkiyä êksportçılar assambleyası mäğ’lümätlärenä kürä, Törkiyäneñ avtomobil’ êksportı 2024nçe yılnıñ ğıynwar-sentyabr aylarında uzğan yılnıñ şuşı uq çorına qarağanda 5,3%qa artıp, 26 milliard 933 million 806 meñ dollar buldı.

Sentyabr’ ayında da tarmaqnıñ êksportı uzğan yılnıñ şuşı uq çorına qarağanda 20,9%qa kübäyep, 3 milliard 406 million 665 meñ dollar bularaq tormışqa aştı.

Ğıynwar-sentyabr çorında avtomobil’ industriyäse êksportınıñ tuplam êksporttağı öleşe dä 16,2% bularaq isäplände.

Avtomobil’ industriyäsendä iñ küp êksport 3 milliard 600 million dollar belän Germaniyägä yasalğan bulsa, bu ildän soñ 3 milliard 200 million dollar belän Böyekbritan, 3 milliard dollar belän Franśiyä, 2 milliard yarım dollar belän İtaliyä häm 1 milliard 800 million dollar belän İspaniyä kilä.

Böyekbritan êksport artuında iñ yuğarı noqtada tora. Ğıynwar-sentyabr çorında avtomobil’ tarmağınıñ ilgä tışqı satuı 796 million 700 meñ dollarğa artqan. Êksport artuında bu ildän soñ 220 million 400 meñ dollar belän Rumıniyä, 220 million dollar belän İtaliyä, 212 million 900 meñ dollar belän Sloveniyä, 125 million 600 meñ dollar belän AQŞ kilä.

Avtomobil’ tarmağınıñ çit ilgä satuı 2021nçe yılnıñ ğıynwar-sentyabr çorında 24%qa kübäyep 21 milliard 200 million dollarğa, 2022nçe yılda şuşı çorda 5,1% artu belän 22 milliard 300 million dollarğa, 2023nçe yılda isä 14,8%qa artıp, 25 milliard 600 million dollarğa citkän ide.