İMFneñ Törkiyä bäyäläwe

IMFdän yasalğan belderüdä 27nçe sentyabr’dä Törkiyä belän dürtençe maddä konsultaśiyäseneñ tögällänüe äytelde.

Belderüdä uzğan yıl buyı iq’tisad säyäsätlärendä yäşängän täwäkkäl üzgäreşneñ Törkiyäneñ ğomum säyäsät torışın nığıtuı citkerelde.

Salım häm çığım çaralarınıñ finans saqçıllıqnı yañadan täêmin itü tırışuların yaqlawı iskärtelep uzılğan belderüdä tağın da köçle kerem säyäsätlärenä bulğan tuğrılıqnıñ ışanıçnı köçäytüenä basım yasaldı.

Belderüdä säyäsät üzgäreşeneñ iq’tisadi tigezsezleklärne kimetüe häm ışanıçnı yañadan torğızuı äytelde.

Qırıslanğan finans şartlarınıñ êçke soraw-taläp östendä basım buldıruı belän ğomum inflyaśiyäneñ töşüenä işarät itelgän belderüdä bazar sizgerlegeneñ cirle häm çit il investorlarınıñ törek lirası aqça berämlegennän aktivlarğa yünälüe belän kisken räweştä yaxşıruı, tübän tovar bäyäläre, canlı êksport häm azayğan altın importınıñ tulayım häm çista rezerv poziśiyäsendä zur yaxşıruğa bulışlıq itep, ağımdağı xisapnı köçäytüe iskärtelep uzıldı.

Belderüdä: "Räsmilärneñ êtaplı säyäsät alıp baruı qısalarında inflyaśiyäneñ tağın da töşüe kötelä”, - dip äytelde.

İq’tisad farazlarına da urın birelgän belderüdä Törkiyä iq’tisadınıñ 2024nçe yılda 3%, 2025nçe yılda 2,7%, 2026nçı yılda 3,2%, 2027nçe yılda 3,4%, 2028nçe yılda 3,7% häm 2029nçı yılda 3,9%qa üsüeneñ kötelüe citkerelde.

Êşsezlek külämeneñ kiläse yılda beraz artqannan soñ êtaplı räweştä kimiyäçägeneñ, bıyıl 9,3%, 2025nçe yılda 9,9% häm annan soñğı yıllarda azayıp 2029nçı yılda 9,2% bulaçağınıñ küzdä totıluı äytelde.

Yıl azağı inflyaśiyä farazınıñ da ağımdağı yıl öçen 43%, 2025nçe yılda 24%, 2026nçı yılda 17,2%, 2027nçe yılda 15,3% häm 2028 belän 2029nçı yıllarda 15% buluı iskärtelep uzılğan belderüdä ağımdağı defiśitnıñ milli tulayım tabışqa qarata külämeneñ bıyıl 2,2% bulaçağınıñ, 2029nçı yılda 1,9%qa kimiyäçägeneñ isäplänelüe citkerelde.