Tramp: "Zelenskiy söyläşülärgä äzer"
Amerika Quşma Ştatları İlbaşı Donal’d Tramp Ukraina Däwlät başlığı Volodimir Zelenskiyneñ suğışnı tuqtataçaq kileşüne söyläşergä äzer buluın belderde
AQŞ İlbaşı Tramp Aq Yortta oyıştırğan imza tantanasınnan soñ könüzäk mäs’älälärgä qağılışlı sorawlarğa cawap birde.
Tramp, Rusiyä-Ukraina suğışınıñ "mäğ’näsez" suğış buluına häm tiz arada beterelüeneñ zarurlığına basım yasap: "İşetkänemçä, Putin iñ qısqa waqıtta minem belän küreşergä teli. Min ozaqlamıy küreşermen. İkençe Bötendönya suğışınnan birle mondıy suğış qırı kürenmäde. Bu suğışnı beterü bik yaxşı bulır”, - dip äytte.
Ukraina Däwlät başlığı Zelenskiy söyläşülärgä äzerme, yuqmı digän sorawğa cawap birüçe Tramp: "Zelenskiy bu suğışnı tuqtataçaq kileşüne söyläşergä äzer. Ukraina da, Rusiyä dä bik küp ğaskäriyen yuğalttı”, - dip belderde.
Qıtaynıñ Rusiyä östendä bilgele ber yoğıntısı buluı fikeren yaqlawçı Tramp suğışnıñ beterelüe öçen Qıtay İlbaşı Si Cinpiñneñ dä bu yoğıntısın qullanırğa tiyeşlegen äytte.
