Guterreşneñ Yaña yıl yullaması
Berläşkän Millätlär Oyışması ğomum särqatibe Antoniu Guterreş: "İñ qarañğı könnärdä dä xätta ömetneñ üzgäreşlär tudırırlıq köçe bar”, - dip äytte
Guterreş yaña yıl videoyazması belän urtaqlaştı.
Suğışlarnıñ qotıçqıç ğazaplar kiterüenä häm keşelärne yäşägän cirlären taşlap kitärgä mäcbür itüenä işarät itüçe Guterreş tigezsezlekneñ häm bülengänlekneñ kiyerenkelekkä häm ışanıçsızlıqqa säbäp buluın iskärtep uzdı.
Guterreş, şul uq waqıtta soñğı 10 yılnıñ iğtibarsız qaldırılmayaçaq däräcädä iñ êsse yıllar buluına iğtibarnı yünältep: "Bu ber klimat kollapsı”, - dip kisätte.
Şuşı cimergeç yuldan aşığıç räweştä kire qaytunıñ zarurlığın belderüçe Guterreş tiz räweştä parnik gazı çığarıluınıñ kimetelüe häm yañartıla alınğan ênergiyägä küçüneñ kiräklegenä basım yasadı.
BMO Ğomum särqatibe, 2024nçe yılda ömetne tabunıñ qıyın buluın äytep: "İñ qaranğı könnärdä dä xätta ömetneñ üzgäreşlärne tudırırlıq köçe bar”, - dip fikere belän urtaqlaştı.
Aktivistlarnıñ, yäş’lärneñ häm humanitar yärdäm xezmätkärläreneñ “ömet nurı” buluına basım yasawçı Guterreş 2025nçe yılnıñ niçek uzaçağına qağılışlı bernindi ışanıç bulmawın iskärtep uzdı.
Guterreş Yaña yıl yullamasın: "Fäqät min härkem öçen tağın da tınıç, tigez, totrıqlı häm sälamät kiläçäk öçen êşläwçelär belän bergä bulırğa süz biräm. Bez bergäläp 2025nçe yılnıñ yaña başlanğıç buluın yasıy alabız. Läkin monı bülengän dönya bularaq tügel, berdämlektä xäräkät itüçe millätlär bularaq başqara alabız”, - süzläre belän tögälläde.
