İspaniyada 89 keşe äle haman tabılmağan

İspaniyada 29nçı oktyabr’dä bulğan häm Valensiyädän başlap ilneñ könçığış häm kön’yaq öleşlärenä täêsir itkän su basu hälakätendä 89 keşe äle haman yuğalğan sanala.

İlneñ räsmi xäbär agentlığı EFE, Mäğ’lümat integraśiyäse üzägenä nigezlänep, su basu hälakätennän ber atna uzğaç yuğalğan keşelärneñ täwge tapqır räsmi sanın citkerde. Tik bu kürsätkeçneñ tögäl bulmawı, tabılıp ta terkälüdän töşmägän yäisä hiç terkälmägän keşelär bula aluı belderelde.

Tabiğıy afät Valensiyädä 213, Kastil’ya-La Mançada - 4 häm Andalusiyädä -1, tulayım alğanda kimendä 218 keşeneñ ğomeren özde.

Su basulardan zıyan kürgän töbäklärdä talaw häm qaraqlıq oçraqları däwam itä. Poliśiyä bu nisbättän 186 keşene saq astına alğan, alarnıñ 87se izolyatorğa yabılğan.