Yaponiyä saqlanu ministrı berençe tapqır NATO cıyılışında qatnaşaçaq
Yaponiyä xökümäteneñ NATO saqlanu ministrları cıyılışına täwge tapqır ministr cibäräçäge belderelde
Yaponiyä Hind-Tın okeanında artqan yanawlar arqasında Awrupa-Atlantika töbägenä yünälgän NATO xärbi ittifaqı belän iminlek ölkäsendä tağın da kiñ qolaçlı xezmättäşlekne maqsat itä.
Yaponiyä saqlanu ministrı Nakatani Gen oyıştırğan matbuğat oçraşuında kiläse atnada NATO häm G7 qısalarında wazıyfadaşları belän küreşep söyläşäçägen belderde.
16nçı-21nçe oktyabr’dä Awrupa säfärenä çığaçağın iskärtep uzuçı Nakatani fikerdäş illär belän “mönäsäbätlärne nığıtunı” maqsat itülären äytte.
Nakatani Awrupa säfäre waqıtında ingliz häm italian wazıyfadaşları belän öç ilneñ yaña buın xärbi oçqıçın qamilläşterü proyektınıñ soñğı torışın qarap çığaçaq.
NHK däwlät televideniyese Nakatanineñ NATO cıyılışında qatnaşaçaq berençe Yaponiyä saqlanu ministrı bulaçağın belderde.
Milli matbuğatta Nakatanineñ Qıtaynıñ töbäktä artqan yoğıntısı aldında Yaponiyäneñ NATOdağı äñgämädäşläre belän “xezmättäşlek forsatların êzläyäçäge” bilgeläp uzıldı.
NATO illäreneñ saqlanu ministrları 17nçe-18nçe oktyabr’dä Bel’giyä başqalası Bryussel’dä cıyılaçaq.
Monnan tış İtaliyäneñ çirattağı räislegendä G7 saqlanu ministrları cıyılışı da 18nçe-20nçe oktyabr’dä Napolidä ütkäreläçäk.
