Tön’yaq Koreya Rusiyäne xärbi qorallar belän täêmin itä
Rusiyä Tön’yaq Koreyädän ber yıllıq 3 million tiräsendä artilleriyä yädräsen ala
“The Times” gazetı xäbärenä kürä, bu san Mäskäwneñ Ukrainağa qarşı suğışta qullanğan böten xärbi kiräk-yaraqlarnıñ yaqınça yartısın täşkil itä. Könbatış küzläw mäğ’lümatlärenä kürä, bu yädrälärneñ zur öleşe kimçelekle, bozıq bulsa da, miqdarnıñ küplege näticäsendä Rusiyä suğışnı alıp bara ala.
Tön’yaq Koreyanıñ qoral belän täêmin itüe Rusiyä İlbaşı Vladimir Putinnıñ bu ilgä iyün’ ayında yasağan säfärennän soñ arttı. Säfär qısalarında ike ilneñ tışqı höcüm oçrağında ber-bersen yaqlaw yöklämäsen qabul itkän strategik kileşügä qul quyılğan ide.
Kileşü ber ük waqıtta öçençe taraflarnıñ sankśiyä qullanu häm ğamäldäge çikläwlärne köçäytü maqsatı belän qullanıla alınaçaq mäğ’lümatlärneñ taraluın çikländeräçäk çaralarnı da küzdä tota.
Rusiyä BMO İminlek Şurası äğ’zase bularaq atom-töş programması arqasında Tön’yaq Koreyägä qarşı sankśiyäne kertü öçen tawış birgän ide. Läkin Ukrainağa höcüm itüennän birle Mäskäw küp tapqır bu çikläwlärne bozuda gäyepläde. Rusiyä räsmi bularaq sankśiyälärne bozuın kire qaqsa da, Putin Tön’yaq Koreyägä qarata çikläwlärneñ yaraşlı bulmawın uylawın häm alarnıñ ğamäldän çığarıluın taläp itäçägen äytte.
Könbatış illäre Tön’yaq Koreyanı küp tapqır Rusiyägä qarşı xalıqara sankśiyälärne bozuda gäyepläde. Fevral’ ayında “New York Times” 7 Rusiyäneñ xärbi yärdämgä bärabär Tön’yaq Koreyägä global’ finans sistemasına ireşüne täêmin itüen häm moña qadär BMO qararı belän tuñdırılğan Tön’yaq Koreyä aktivlarınıñ ber öleşeneñ bloklawın ğamäldän çığaruın beldergän ide.
