İzrail İranğa cawap birergä cıyına

İzrail iminlek kabinetı kiçäge utırışında İrannıñ raketa höcümnärenä AQŞ belän kiñäşläşkännan soñ “köçle cawap” birü qararı çığarıluın alğa sörde.

İzrailneñ “Kanal 12” telekanalı İrandağı strategik ob’yektlarnı utqa totu planlaştırıluın alğa sörä.

İzrailneñ BMOdağı daimi wäkile Dênni Danon da İrannıñ raketa höcümnärenä qarşı “süzsez qalmayaçaqların” äytte. Ul matbuğatqa yasağan belderülärendä İrannıñ êlekkege “Xamas” liderı İsmail Xäniyyä häm “Xizbulla” citäkçese Xäsän Nasrullahnıñ üterelüenä cawap bularaq yasağan höcümnäreneñ “saqlanu maqsatınnan” tügellegen häm grajdanlılarğa qarşı aldan isäplängän buluın söyläde.

“İzrail qarşılıq kürsätäçäk. Cawabıbız xälitkeç häm ärnetüçe bulaçaq”,- dide ilçe.  

İsegezgä töşeräbez, İran İzrailgä yaqınça 200 raketa cibärde. Höcümdä gipersonik “Fättax-1” raketaları täwge tapqır qullanıldı.

İzrail xökümäte räise Bin’yamin Netan’yaxu älege ğamäle belän İrannıñ “zur xata yasawın häm monıñ öçen cawap biräçägen” äytte.