Bayden ğarasattan zıyan kürgän ştatlarğa bardı

AQŞ däwlät başlığı Djo Bayden “Xelen” ğarasatınnan iñ nıq zarar kürgän ştatlar Tön’yaq Karolina häm Kön’yaq Karolinanı tiz arada ayaqqa bastırırğa süz birde. Ul tabiğıy afättän soñ älege töbäklärgä barıp cimerekleklärne üz küze belän kürde.

Tön’yaq häm Kön’yaq Karolinada tulayım 70tän artı keşeneñ ğomere özelde. Bayden biregä 1 meñ ğaskäri cibärü kürsätmäse birüen häm byudjettan kiräkle yärdämneñ tiz arada bülenäçägen assızıqladı.

AQŞ däwlät başlığı urınbasarı Kamala Xarris isä ğarasattan zarar kürgän Djordjiyada buldı.

İsegezgä töşeräbez, Florida yarlarına säğatenä yaqınça 225 çaqrım tizlek belän bärgän ğarasat berniçä ştatqa yoğıntı yasadı.