Awrupa Berlege Guterrişnı yaqladı

Awrupa Berlege İzrailneñ “persona non grata” dip iğ’lan itkän häm ilgä kerüen tıyğan BMO ğomum särqatibe Antonio Guterrişnı yaqlawların belderde.

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell “X” platformasındağı akkauntındağı yazmasında bolay di: “Aña qarata xaqsız ğayepläwlär häm BMOnıñ ğımanitar yärdäm xezmätklärläreneñ İzrail höcümnärendä qabul itelmäs däräcädä küp ülemnärenä qarşı buluıbıznı belderäbez”. Ul, şulay uq, BMO ğomum särqatibe Antonio Guterrişnıñ Yaqın Könçığışta häm başqa bäreleşlärdä tınıçlıq urnaştıru öçen armıy-talmıy tırışuın yaqlawların citkerä.

Awrupa Berlege şurası räise Çarl’z Mişel’ dä sośial’ mediada: “BMOnıñ tırışlıqların tulısınça yaqlıybız häm ğomum särqatib Antonio Guterrişnıñ yanında torabız” dip yazdı.

İzrail idaräse Yaqın Könçığışta kiyerenkelekne aşığıç räweştä töşerergä çaqırğan BMO ğomum särqatibe Guterrişnı “persona non grata” iğ’lan itep ilenä klerüen tıydı. Yänäse ul yasağan belderüendä atılğan raketalarğa nisbätle İrannı telgä almawın häm Tährannıñ höcümen turıdan-turı ğayeplämäwen alğa sörä.