Zimbabveda 200 filne suyarğa cıyınalar

Zimbabve köçle qorılıq kiterep çığarğan azıq-tölek qıtlığı säbäple xalıqnı tuyındıru öçen yaqınça 200 filne suyıp, iten watandaşlarğa öläşergä planlaştıra. Cirle matbuğattağı xäbärlärgä qarağanda, bu ber ük waqıtta ildäge tabiğat’ parklarında nıq artqan xaywan sanın kimetügä dä öleş kertäçäk.

Qayber êkologlar azıq-tölek belän täêmin itüneñ tağın da yaxşıraq yulları buluın alğa sörep älege qararnı tänqıyt’li. Monnan tış, fillärneñ ilgä turistlarnı cälep itüdä ähämiyätle êlement buluın belderälär.

Zimbabveda 84 meñnän artıq fil yäşi.