Guterreş: "Xalıqara cämäğätçelek Ğazzä öçen tırışlıq sarıf itmi"

Antoniu Guterreş New-Yorkta oyıştırğan matbuğat oçraşuında, xalıqara cämäğätçelekkä möräcäğät itep, Ğazzädä suğışnıñ mömkin bulğan iñ qısqa waqıtta beterelüe öçen tağın da kübräk basım yasaluın teläde.

Ğazzädä üterelgän BMO personalına da tuqtalıp uzğan Guterreş humanitar yärdäm wazıyfalılarınıñ iminlegeneñ täêmin itelüeneñ zarurlığın belderde.

Guterreş humanitar yärdäm xezmätkärlärenä qarşı höcümnärneñ citdi räweştä tikşerelüeneñ häm gäyeple buluçılarnıñ cawaplılıqqa tartıluınıñ zarurlığın iskärtep uzdı. Monıñ här urın öçen, ämma bigräk tä Ğazzä öçen ğamäldä buluına basım yasawçı Guterreş Ğazzädä üterelgän humanitar yärdäm xezmätkärläre sanınıñ moñarçı kürenmägänen belderde.

BMO Ğomum särqatibe xalıqara cämäğätçelekneñ ayıruça cawaplılıqqa tartıluı mäs’äläsendä köçle qatğilıqnıñ kürsätelüeneñ zarurlığına basım yasadı.

Guterreş utnı tuqtatu ğamälgä kertelgännän soñ Fälästin citäkçelegeneñ Ğazzädä, Yordannıñ könbatış üzänlegendä häm Könçığış Qodüstä wäqalätne üz östenä aluın häm ike däwlätle çişeleşne täêmin itäçäk şartlarnıñ buldırıluın yaqlawların belderde.

BMO Ğomum särqatibe: "Fälästin däwläte üz qağidäläre häm töp qanunı nigezendä idarä itelergä tiyeş”, - dip äytte.