Törkiyä BMOdan Fälästin öçen yaqlaw soradı
Törkiyäneñ Berläşkän Millätlär Oyışması daimi wäkile Yıldız BMO äğ’zalärennän Fälästin proyektın yaqlap çığuların soradı
BMO Ğomum Şurası aşığıç maxsus utırışta Fälästin öçen cıyıldı.
2 kön däwam itäçäk utırışta İzrailneñ Fälästingä höcümnären tuqtatuın küzdä totqan proyekt ölgese tikşerelä.
Berençe könne Törkiyäneñ BMO daimi wäkile, tulı wäqalätle ilçe Äxmät Yıldız Ğomum Şurağa möräcäğät itte.
İlçe Yıldız qarar ölgeseneñ iganäçelärennän berseneñ Törkiyä buluına basım yasadı.
Äxmät Yıldız: “Törkiyä böten äğ’za illärne şuşı ölgene qabul itärgä çaqıra. İzrailneñ Fälästinne yawlap aluı häm Yordannıñ könbatış üzänlegendä däwam itüçe kilep urnaşu êşçänlege barı tik qanunsız ğına tügel, ber ük waqıtta tınıçlıqnı boza. Xalıqara cämäğätçelek xalıqara xoquqnıñ bozıluına yul quyılmayaçaq digän yullamanı açıq itep yasarğa tiyeş”, - dide.
Tınıçlıqqa alıp baruçı yul belän bäyle bularaq Törkiyäneñ çişeleş reśeptın xäterlätüçe ilçe Yıldız: “Bez aşığıç häm daimi utnı tuqtatu, Ğazzägä özleksez yärdäm citkerelüe, Fälästin däwläten tanu häm ike däwlätle çişeleşkä ireşelüne täêmin itü öçen tırışularıbıznı däwam itäçäkbez”, - dip belderde.
BMO Ğomum şurası 10nçı aşığıç utırışında ölge tawışqa quyılaçaq.
Qarar ölgese İzraildän yaw astındağı Fälästin cirlärendä qanunsız räweştä urnaşuın 12 ay êçendä beterüen küzdä tota.
