تورکیې د ملګروملتونو سازمان نه د فلسطین په اړه د ملاتړ غوښتنه وکړه.

تورکیې د ملګروملتونو سازمان نه د فلسطین په اړه د ملاتړ غوښتنه وکړه.

په ملګرو ملتونو کې د تورکیې دایمي استازي احمد یلدز د ملګرو ملتونو له غړو څخه د فلسطین د لایحې نه د ملاتړ غوښتنه وکړه.

د ملګرو ملتونو عمومي اسمبلۍ د فلسطین په اړه بیړنۍ  غونډه وکړه.

پدې دوه ورځنۍ غونډه کې به  په هغه  مسودې چې له اسرائیلو څخه هر څه ژر پر  فلسطین  د روانو بریدونو د درولو غوښتنه کوي بحث وشي.

د غونډې په لومړۍ ورځ په ملګرو ملتونو کې د تورکیې دایمي استازي سفیر احمد یلدز عمومي غونډې ته وینا وکړه.

سفیر یلدز ټینګار وکړ چې د طرحې د مسودې یو سپانسر تورکیه دی.

احمد یلدیز وویل: «تورکیه پر ټولو غړو هیوادونو غږ کوي چې دغه لایحه ومني. د فلسطین په خاوره د اسرائیلو اشغال او په لویدیځه غاړه کې د میشت ځایونو روان فعالیتونه نه یوازې غیر قانوني دي بلکې سوله هم زیانمنه کوي. "نړیواله ټولنه باید  په واضحه توګه  پیغام واستوي چې د نړیوالو قوانینو سرغړونه به ونه زغمل شي."

سفیر یلدز د سولې په اړه د تورکیې د حل لارې او هلو  ځلو نه یادونه وکړه او زیاته کړه  "موږ د سمدستي او دایمي اوربند، غزې ته د مرستو د رسولو، د فلسطین د دولت په رسمیت پېژندلو او د دوه دولتونو د حل لپاره خپلو هڅو ته دوام ورکړو."

پدغه لایحه به د ملګرو ملتونو د عمومي اسامبلې په لسمه بیړنۍ غونډه کې رای اچونه وشي.

د پریکړه لیک په مسوده کې له اسرائیلو غوښتل شوي چې په ۱۲ میاشتو کې دننه په اشغال شوي فلسطیني سیمو کې خپل غیر قانوني حضور پای ته ورسوي.