د تورکیې ولسمشر رجب طیب اردوغان به د سپټمبر په ۲۴ د ملګروملتوو عمومي غونډې ته وینا وکړي

د تورکیې ولسمشر رجب طيب اردوغان به د سپټمبر په ۲۴ مه نېټه د ملګرو ملتونو عمومي اسامبلې ته د ۱۴م ځل لپاره وينا وکړي.

د ملګرو ملتونو په ۷۹ مه عمومي غونډه کې به  د ولسمشر اردوغان د وینا اصلي اجنډا پر غزې د اسرائیلو بریدونه وي.

اردوغان به پر نړيوالې ټولنې غږ وكړي چې د اسرائيلو د بريدونو پر وړاندې ودرېږي.

اردوغان به د سرمشریزې په چوکاټ کې د یو زیات شمیر دولتونو او حکومتونو له مشرانو سره لیدنې وکړي.

د ملګرو ملتونو د عمومي اسامبلې عمومی غونډه چې هر کال د نړۍ مشران  د امریکا په نیویارک  ښار کې سره راټولوي  سږ کال  ( د راتلونکي سرمشریزه ) تر عنوان لاندې د سپټمبر په ۲۲ نیټه پیلیږي.

د ویلو ده چې د سپټمبر په ۲۴ مه نیټه به د نړۍ مشران د ملګروملتونو عمومي اسامبلې ته ویناګانې وکړي.

تمه کیږي چې ولسمشر رجب طیب اردوغان د ملګرو ملتونو په ۷۹ مه عمومي اسامبله کې په لومړۍ ورځ په دریم کتار کې وینا وکړي.

تمه کیږي چې د ملګروملتونو د سازمان په سږني عمومي غونده کې د څه باندې ۱۹۰ هیوادونو مشران او لوړپوړي چارواکي ګډون وکړي.