د ناسا پارکر څیړنیز روبوټ لمر ته تر ټولو په نږدې سیمه کې الوتنه وکړه

د ناسا پارکر څېړنیز روبوټ لمر ته په ۹۳۰ درجو تودوخه کې په نږدې کېدو سره تاریخ جوړ کړ.

د ناسا څېړنیز روبوټ "پارکر سولر پروب" لمر ته تر ټولو نږدې الوتنې په ترسره کولو سره تاریخ جوړ کړ چې تر اوسه هېڅ فضایي بېړۍ دومره نږدې شوې نه وه.

دا څېړنیز روبوټ د لمر له سطحې څخه ۶.۱ میلیونه کیلومتره لرې او د ۹۳۰ درجو سانتي ګراد څخه د لوړې تودوخې سره سره په بریالیتوب سره والوت او ارزښتناک ساینسي معلومات یې راټول کړل.

دا د لمر د اساسي رازونو د حل لپاره د درې ریکارډ ماتوونکو څېړنیزو الوتنو لومړۍ الوتنه وه.