د امریکا په نیشویل ښار کې په یوه لیسه کې د وسله وال برید له امله ۲ تنه ژده کوونکي وژل شوي
د امریکا په نیشویل ښار کې په یوه لېسه کې د ډزو له امله دوه زده کوونکي وژل شوي او یو تن بل ټپي شوی دی.
د امریکا په نیشویل ښار کې په یوه لېسه کې د ډزو له امله دوه زده کوونکي وژل شوي او یو تن بل ټپي شوی دی.
د امریکا د ټینیسي ایالت اړوند په نیشویل ښار د سلومون هینډرسن په نامه ۱۷ کلن برید کوونکی په ځايي وخت په ۱۱ بجو او ۹ دقیقو د انټیوچ په نامه عالي لېسې کانتین ته لاړ او د ځان وژنې دمخه یې په دوو تنو نور زده کونکو مرګونی برید وکړ . وروسته يي ځان وویشت چې د پیښې په ځای کې سمدلاسه ساه ورکړه.
همداشان پدې برید کې د دوو زده کوونکو نه ۱۶کلنه جوسلین کوریا ایسکلانټ چې ډیره سخته ټپۍ شوه وه د وانډربیلټ پوهنتون طبي مرکز ته له لیږدولو وروسته ژوند د لاسه ورکړ.
پدې برید کې د ټپي شوي دویم زده کوونکي روغتیاي حالت د ډاډ وړ ښودل شوی او په روغتون کې تر درملنې لاندې دی. د انټیوچ عالي لېسې اعلان وکړ چې د پېښې له امله یې ښوونځی د دوو ورځو لپاره رخصت کړی دی.د برید انګیزه او لامل معلوم ندی. د برید په اړه تحقیقات پیل شوي دي.
