د نتنیاهو په اړه د انګلستان د بخواني لومړي وزیر یوه ډیره مهمه ادعاء

د انګلستان پخواني لومړي وزیر بوریس جانسن ویلي دي چې  د اسرائیل لومړي وزیر بنیامین نتنیاهو په ۲۰۱۷ کال  کې په بهرنیو چارو وزارت  کې زما د دفتر د خصوصي تشناب د استفادې  وروسته په تشناب کې د اوریدو جاسوس وسیلې وموندل شوې.

د انګلستان  د ټیلیګراف ورځپاڼې د جانسن  له قوله ویلي دي ، کله چې زه په ۲۰۱۷ کال کې د بهرنیو چارو وزیر وم  ، د بهرنیو چارو په وزارت کې د اسرائیلو د لومړي وزیر  نتنیاهو سره د لیدنې پر مهال هغه زما د دفتر د خصوصي تشناب نه د استفادې غوښتنه وکړه.

جانسن ویلي دي  وروسته له هغه چې نتنیاهو تشناب نه استفاده وکړه  امنیتي ټیم هلته پلټنه وکړه او د اوریدلو جاسوس وسیله یې وموندله.

د ورځپاڼې په وینا جانسن د "Unleashed" په نامه د خپل یاداشتونو په کتاب کې چې د اکتوبر په لسمه به چاپ  او نشر شي د نتنیاهو سره د لیدنې په اړه خپل یو یاداشت شریک کړی دی. جانس ویلي دي چې کله چې د بهرنیو چارو وزیر وو، د خپل کار په دفتر کې د نتنیاهو سره لیدنه وکړه. د لیدنې پر مهال نتنیاهو د هغه د خصوصي تشناب نه د استفادې غوښتنه وکړه . وروسته امنیتي ټیم هلته د اوریدو جاسوس وسیله وموندله . دا ممکن تصادف وي یا نه وي، خو وروسته راته وویل شول چې دوی په تشناب کې د اوریدلو وسیله وموندله."

کله چې له هغه وپوښتل شول چې ایا هغه کولی شي د دې تور په اړه نور توضیحات وړاندې کړي، جانسن وویل "زه فکر کوم هر څه چې تاسو ورته اړتیا لرئ  چې د دې پیښې په اړه پوه شئ په کتاب کې شتون لري."

د بوریس جانسن کتاب "Unleashed" چې د سیاست په اړه د هغه یادونه پکې شامل دي، د اکتوبر په لسمه به چاپ او  خپور شي.