د لبنان د بهرنیو چارو وزیر : حسن نصرالله د وژل کیدو نه مخکې د اسرائیلو سره اوربند منلی وو
د لبنان د بهرنیو چارو او کډوالۍ وزیر عبدالله بوحبیب وویل، د حزب الله مشر حسن نصرالله تر وژل کېدو مخکې اوربند منلی وو او امریکا او فرانسې دوی ته خبر ورکړی چې د اسرائیلو لومړي وزیر بنیامین نتنیاهو هم دغه اوربند تصویب کړی دی.
د لبنان د بهرنیو چارو او کډوالۍ وزیر عبدالله بوحبیب وویل، د حزب الله مشر حسن نصرالله تر وژل کېدو مخکې اوربند منلی وو او امریکا او فرانسې دوی ته خبر ورکړی چې د اسرائیلو لومړي وزیر بنیامین نتنیاهو هم دغه اوربند تصویب کړی دی.
عبدالله بوحبیب د امریکا د ټلویزیوني چینل PBS سره په مرکه کې د حسن نصرالله د وژنې او د اوربند د خبرو اترو په اړه خبرې وکړې.
هغې د دې په بیانولو سره چې د امریکا ولسمشر جو بایډن او د فرانسې ولسمشر ایمانویل مکرون تیره اونۍ له حزب الله سره د ۲۱ ورځني اوربند په اړه خبرې وکړې.
" هغه ددې پوښتنې په ځواب کې چې ایا حسن نصرالله اوربند منلی و؟ وویل، هو، موږ په بشپړه توګه اوربند منلی وو، له حزب الله سره مو ولیدل، د لبنان د پارلمان رئیس نبيه بیري په دې اړه له حزب الله سره خبرې وکړې، موږ امریکایانو او فرانسویانو ته خبر ورکړ. هغوی موږ ته وویل چې نتنیاهو د امریکا او فرانسې د ولسمشرانو په غوښتنه دا اوربند تصویب کړی دی."
د لبنان وزیر یادونه وکړه چې دوی د اسرائیلو په پوله کې د شخړو پای ته رسولو ته چمتو دي او دا چې دوی د حزب الله سره هم لیدلي، مګر اسرائیل د سپټمبر په ۲۷ په پلازمینه بیروت کې د بمونو په غورځولو او د نصرالله په وژلو سره د جګړې اعلان وکړ.
