د پاکستان د کراچۍ ښار د جناح د هوايي ډګر ترڅیرمه پر چینايي وګړو ځانمرګی برید شوی .
د لومړنیو معلوماتو له مخې پدې چاودنه کې لږ تر لږه ۲ تنه چینايي او یو تن پاکستاني وګړي ژوند د لاسه ورکړی او ۱۷ تنه نور ټپیان شوي دي.
د پاکستان د کراچۍ ښار د جناح د هوايي ډګر ترڅیرمه پر چینايي وګړو ځانمرګی برید شوی .
د لومړنیو معلوماتو له مخې پدې چاودنه کې لږ تر لږه ۲ تنه چینايي او یو تن پاکستاني وګړي ژوند د لاسه ورکړی او ۱۷ تنه نور ټپیان شوي دي.
ویل کیږي چاودنه دومره زوروره وه چې غږ يي تر ډیرو لرو پرتو سیمو اوریدل شوی دی.
د کراچۍ د پولیسو یو تن مشر اصف اعجاز شیخ خبري رسنیو ته ویلي دي چې د چاودنې نوعیت تر اوسه پورې معلوم ندی او په اړه يي څیرنې دوام لري.
د بله پلوه د پاکستان د سند ایالت د کورنیو چارو وزیر ضیاالنجار رسنیو ته ویلي دي چې دا یو ځانمرګی برید وو چې د ځاني زیانونو ترڅنګ يي مالي زیانونه هم اړولي دي. هغه ویلي دي چې چاودنه د ملکي وګړو پر موټر شوې ده چې له امله يي یو تن ملکي وګړي ژوند د لاسه ورکړی دی.
د بله پلوه د ژغورنې ډلو ویلي دي چې ددې چاودنې له امله ۷ موټرې، دوه ریکشاګانې، دوه موټر سایکلې او د پولیسو یو موټر سوځیدلي دي.
په پاکستان کې د چین سفارت پدې چاودنه کې د خپلو دوو تنو وګړو د وژل کیدو پخلی کړی دی.
د چین سفارت ویلي دي چې پدې چاودنه کې یو تن چینايي وګړی ټپي شوی هم دی.
د برید مسئولیت تر اوسه پورې کومې ډلې په غاړه ندی اخیستی.
اړوند خبرونه
په پاکستان کې د شیعه او سوني ډلو ترمنځه په نښتو کې د مړو شمیره د ۱۳۰ تنو نه واوښته
پاکستان شمال لویدیځ کي د دوو اونیو راهیسي په روانو مذهبي جګړو کي د مړو شمیره ۱۳۰ تنو نه واوښته.
