د تورکیې ۲۵۰۰ کلنه تاریخي غاړکۍ چې امریکا ته قاچاق شوې وه بیرته تورکیې ته وسپارل شوه
د لیدیه امپراتورۍ دورې اړوند شاوخوا ۲۵۰۰ کلن د سرو زرو غاړکۍ چې له تورکیې څخه په قاچاقي ډول امریکا ته وړل شوې وه او د څو کلونو لپاره د امریکا د بوسټن په میوزیم کې نندارې ته ایښودل شوی و ، بیرته تورکیې ته وسپارل شو.
د لیدیه امپراتورۍ دورې اړوند شاوخوا ۲۵۰۰ کلن د سرو زرو غاړکۍ چې له تورکیې څخه په قاچاقي ډول امریکا ته وړل شوې وه او د څو کلونو لپاره د امریکا د بوسټن په میوزیم کې نندارې ته ایښودل شوی و ، بیرته تورکیې ته وسپارل شو.
ویل کیږي د سرو زرو دا غاړکۍ په ۱۹۸۲ میلادي کال چې د مانیسا ولایت له بینتپه لر سیمې څخه امریکا ته قاچاق شوې وه، په بوسټن کې د تورکیې په قونسلګرۍ کې د د ځانګړو مراسمو په ترڅ کې تورکي مقاماتو ته وسپارل شوه.
په نیویارک کې د تورکیې د کلتور او ترویج اتاشی هلال دیمیریل وویل غاړکۍ چې ۲۰ سانتي اوږدوالی لري د انارو په شکل د سرو زرو او کارنیلین ډبرو څخه جوړه شوې ده.
دیمیریل وویل ، دا اثر د میلاد نه مخکې د شپږمې یا پنځمې پیړۍ پورې اړه لري او د لیدیه امپراتورۍ د هنر ځانګړتیاوې لري. دا اثار چې تر نن ورځې پورې په ښه توګه ساتل شوي، د مانیسا ولایت په تاریخي موزیم کې د بینتپه لر نیکروپولس سیمې نورو اثارو ته ورته دی .
دیمیرل د سیمې لپاره د سروزو د غاړکۍ تاریخي او کلتوري اهمیت ته په اشارې سره وویل: "د دې اثارو بیرته راستنیدل د لرغون پېژندنې د څیړنې د پرمختګ او زموږ د کلتوري میراثونو د ساتنې په برخه کې یو مهم ګام ګڼل کیږي."
د کلتور او ګرځندوی وزیر محمد نوری ایرسوی هم وویل چې په ۲۰۲۴ کال کې ۲۰ تاریخي اثار بیرته خپل اصلي ټاټوبي ځای ته راستانه شوي دي او دا شمیر د "ددې تاریخي غاړکۍ" سره ۲۱ ته لوړ.
