Улуттук коргоо министрлиги жумалык маалымат жыйынын өткөрдү

Улуттук Коргоо министрлиги (УКМ) Сириянын жеринин бүтүндүгү, эгемендүүлүгү жана аймактык коопсуздугуна олуттуу коркунуч жараткан ПКК/ЙПГ жикчил террордук уюмунун аймактагы ыраатсыздыктан пайда көрүшүнө уруксат берилбей турганын билдирди.

Улуттук коргоо министрлиги жумалык маалымат жыйынын өткөрдү.

Жыйында оппозициячыл топтордун (Сирия) Халеп аймагындагы аракеттери жана ага байланыштуу окуяларга, Сириянын биримдиги жана аймактык бүтүндүгү менен террорго каршы күрөшүүдөгү маани жана артыкчылыктын алкагында тыкыр байкоо салынганы баса белгиленип, төмөнкүлөр айтылды:

"Аймакта туруктуулукту сактоо үчүн аскерлерибиз тарабынан бардык зарыл чаралар көрүлүүдө, процесстин башынан бери аймактагы кесиптештерибиз менен тыгыз кызматташуу жана координация уланууда. Акыркы окуялар - оппозициянын талаптары жана режимдин аларды эске албаганы себептүү көптөн бери чечилбей келе жаткан жана Сириянын ички динамикасынан келип чыккан маселелер. Бул контекстте Сириянын түндүгүндөгү операциялык аймактарда түзгөн келишимдерге ылайык иш кылганыбызды, маектештерибизден да аткаруусун күткөнүбүздү, Сириянын жеринин бүтүндүгүн колдой турганыбызды, Сириянын жеринин бүтүндүгүнө, эгемендигине жана аймагыбыздын коопсуздугуна олуттуу коркунуч туудурган ПКК/ЙПГ террордук уюмунун аймактагы туруксуздуктан пайда көрүшүнө уруксат бербей турганыбызды жана террордук уюмдар менен күрөшүү боюнча позициябыздын ачык экенин дагы бир жолу баса белгилейбиз".