ТРТнын «Келечектин коммуникаторлору» сынагынын сыйлыктары жеңүүчүлөрүн тапты

Түркия радио жана телекөрсөтүү мекемесинин (TRT) башкы директору Мехмет Захид Собажы ТРТнын санариптик платформасы «таби» жакында эл аралык масштабда кеңейе турганын айтып: «Тарыхыбызды, маданиятыбызды, улуттук жана руханий дөөлөттөрүбүздү чагылдырган окуялар менен ар түрдүү географиялардын таанышуусуна салым кошобуз», - деди.

ТРТ быйыл 10-жолу уюштурган «ТРТнын Келечектин коммуникаторлор сынагынын» сыйлык тапшыруу аземи борбор шаар Анкарадагы Ары студиясында өткөрүлдү.

ТРТнын башкы директору Собажы аземдин ачылышындагы сөзүндө ТРТнын май айында алгачкылар жана ийгиликтер менен толгон жолунда 60 жылды артка калтырганын эске салды.

Быйыл ТРТнын Келечектеги коммуникациячылар сынагында «Байланыш өнөктүгү» категориясын «ТРТнын 60-жылында» темасы менен уюштурганын белгилеген Собажы сынакка 130 университеттен жалпы 2618 студент 1702 эмгек менен катышканын айтты.

Дүйнөнүн геноциддер, кыргындар, согуштар, аргасыз көчүүлөр жана ар кандай кырсыктар күн тартибинде турган оор мезгилден өтүп жатканын белгилеген Собажы: «Президентибиз Режеп Таййип Эрдоган мырзанын жетекчилигинде Түркия ушул оор күндөрдө адамзаттын атынан демилгени колго алып, эзилгендердин жыргалчылыгы үчүн өзүнүн күчүн жана эркин көрсөтүүдө. Ар түрдүү гуманитардык кризистерде жоопкерчиликти алган Түркиянын коомдук телерадиокомпаниясы ТРТ катары өлкөбүздүн эзилген, акыйкат жана чындык тарапка чыгарган бул үнүнүн жети континентте жаңырышы үчүн бардык күчүбүз менен аракет кылуудабыз. Биз бул үчүн бардык коммуникация мүмкүнчүлүктөрүн жумшап жатабыз», - деди.

Собажы дүйнөдө бул үндү укпаган, Түркиянын күрөшүн билбеген эч ким калбашы үчүн квалификациялуу түрдө өсүп, дараметин жана таасир чөйрөсүн өнүктүрүшкөнүн баса белгиледи.

«Ушул учурда TRT World жана TRT Arabi телеканалдары, ошондой эле чет тилдердеги 8 санарип кабар платформабыз жана 41 тилде жана диалектиде радио жана интернет берүүлөрүбүз менен миллиарддаган адамдарга жетебиз. Жаңылыктар, даректүү тасмалар, маектешүүлөр жана подкасттар сыяктуу категориялардагы күчтүү мазмун даректерге эне тилинде жетүүдө. Мындан тышкары, биз учурдагы маселелерге гана кызыкпастан, биз өткөн менен учурдун ортосунда курган көпүрөлөр аркылуу туруктуу илхам булагын түзүүнүн жолдорун да издеп жатабыз»,-деп айтты.

Собажы ТРТнын санарип платформасы «табии» бул аракеттин эң баалуу натыйжаларынын бири экенин баса белгилеп:«Жакында биз «табиинин» эл аралык кеңейүүсүн ишке ашырабыз жана тарыхыбызды, маданиятыбызды, улуттук жана руханий баалуулуктарды чагылдырган окуялар менен ар түрдүү географияларды тааныштыра алабыз деп үмүттөнөбүз»,- деди.

Глобалдык көйгөйлөрдү адилеттүү чечүүдө жаш акылдардын жаңы идеялары жана сөздөрү маанилүү экенин белгилеген Собажы сөзүн төмөнкүчө жыйынтыктады: «ТРТ катары бул аң-сезим менен жаштарыбызды колдоо багытында жаңы кадамдарды таштообузду улантып жатабыз. Ушул алкакта билимибизди, тажрыйбабызды жана техникалык мүмкүнчүлүктөрдү январь айында ачкан ТРТ Академиясынын чатыры астында жаштарыбыздын пайдалануусуна сунуштайбыз. Биз кыялдарды тажрыйба менен бириктиребиз жана өлкөбүздүн үнү жана деми боло турган квалификациялуу коммуникациячыларды тарбиялоо боюнча аракеттерибизди күчөтөбүз».

Собажы сынакта сыйлык алган жаштарды куттуктап, салым кошкондорго ыраазычылык билдирди.

Сөздөрдөн кийин аземге катышкан Президенттиктин коммуникация башкармалыгынын башчысы Фахреттин Алтун жана Собажы 12 категорияда орун алган жаш кооминикациячыларга сыйлыктарды тапшырды.